正所謂有錢使得鬼推磨，內地有一對夫妻為咗搵錢還債，竟然拍檔開淫竇，結果難逃被捕厄運。至於日本方面，估唔到有風俗孃咁迷信，相信「勝負下着」會為自己帶嚟好運。
呢個以金錢為主導嘅世界，只會驅使人無時無刻都諗住點搵錢，不過搵錢有分正道同邪道，好似蘭州一對夫妻拍檔開淫竇搵錢銀，就唔係咁啱喇！丈夫胡男同老婆本嚟係國企公司員工，收入相當穩定，由於要還債關係，早前兩人租咗一個單位，容留兩名囡囡喺屋內進行賣淫活動，兩夫妻則從中抽佣。為咗令生意更加好，同埋避免有關當局查獲，夫妻兼做埋管理同營運工作，透過熟人介紹玩家嚟幫襯，以電話同網絡等方式跟玩家聯絡。每當有玩家到場時，胡男會喺樓下睇水，而胡妻則喺單位內招呼客人，並安排囡囡提供服務。有關方面接到線報後，對兩位疑犯採取埋伏行動，期間樓下嘅胡男正同單位內嘅妻子講緊電話。胡妻聽到丈夫聲音有異，即時通知房內玩家同囡囡撤退。兩夫妻被捕後供認，自開業至今，已接客超過80次。
所謂「勝負下着」又稱為「決勝底褲」，意思係憑住一條迷死心儀男士嘅底褲，一次性喺感情上決定勝負，勝者獲得對方嘅愛，輸咗嘅話咪蝕本畀人睇到條底褲囉！呢啲情情塔塔嘅嘢又同日本風俗業有乜嘢關係呢？原來池袋有間叫做「御奉仕關係」嘅風俗店，喺其官網嘅風俗孃寫真中，會發現每位風俗孃都有性感火辣嘅露底照，吸引玩家幫襯固然係目的之一，原來背後仲有故事。唔知自幾時開始，店內風俗孃之間興起「勝負下着」比賽，佢哋認為只要換上性感迷人嘅底褲，就會吸引到玩家幫襯自己。據店內其中一位化名「詩穗」嘅風俗孃表示，呢個比賽雖然有啲迷信成分，但佢哋寧可信其有，更何況性感底褲對男士嚟講，確實別有一番吸引力，故此包括佢在內，風俗孃每人不但擁有過百條性感底褲，大家更互相品評。風俗店負責人起初冇留意，亦唔介意佢哋迷信，及後發覺愈嚟愈多玩家討論風俗孃嘅底褲，因此推出底褲服務套餐，唔知會唔會谷起生意額呢？
撰文：魂