經常有人問，AV有聲又有畫，點睇都比成人漫畫吸引，點解日本仲有咁多成漫粉絲呢？其中一個原因是二次元作品夠天馬行空，加上誇張嘅床戰同美艷嘅女角，令讀者充滿幻想空間，呢啲都係AV望塵莫及。講到火辣情慾嘅橋段，唔可以唔提Kanbe首本單行本漫畫《IJIRIMON》。
如果要分漫畫世代嘅話，Kanbe絕對係近年冒起得最快嘅成人漫畫家之一，只係佢嘅創作之路並非一帆風順，喺2000年先至開始活躍於成人漫畫同人圈，之前一直從事插畫創作，佢自己亦坦言喺漫畫構圖及畫面分割嘅功力並唔足夠。
不過佢筆下嘅女角形象相當多，從萌系蘿莉到成熟女性，都能展現出各自魅力，而佢最擅長打造極具視覺效果嘅情慾圖畫。亢奮嘅高潮眼、激戰嘅汗水、汁液亂噴嘅男女、動感嘅衝刺場面等，都能畀到成漫迷極大視覺享受。與此同時，佢憑住作品嘅調教劇情，深得成漫迷歡心。隨住佢喺成漫同人圈嘅人氣不斷攀升，喺2009年3月終於獲得成人漫畫月刊《COMIC MEGASTORE H》，發表首個單元故事《Oni × Kana》嘅機會，藉住呢次發表正式出道。
不過講到佢成漫生涯嘅轉捩點，要等到2012年4月喺成漫月刊《COMIC快樂天》舉辦嘅第30回快樂天新人漫畫王比賽，獲得亞軍嘅王子獎，自此以後便以《COMIC快樂天》作為發表作品基地。由於當時佢要兼顧插畫創作嘅關係，以致產量並唔穩定，講到佢嘅首本單行本《IJIRIMON》，要等到2014年8月先至面世。呢本令唔少成漫迷引頸以待嘅作品，不但廣受好評，更被評為極具色氣嘅情慾之作。
《IJIRIMON》作為Kanbe首本發表嘅成漫單行本，佢精心挑選自出道以嚟喺《COMIC快樂天》發表過嘅作品，希望成漫迷能透過呢本書，認識佢嘅畫風及創作熱誠，書中收錄咗《戀愛病》、《遺忘物與高潮前輩》、《我與公公》、《高夜中的麵包》、《犬井老師與巨棒》、《變身的建議》、《隔壁的八幡小姐》、《焦慮女與躁狂男》、《我家的小貓》、《被虐狂》、《快快教我》及《暴走族》合共12個短篇故事。當中以《暴走族》同《遺忘物與高潮前輩》，被成漫評論人認為係書中不可錯過嘅單元。
《暴走族》嘅火爆女主角美智，係勢力龐大暴走族嘅總長，擁有極強戰鬥力。呢晚佢帶住過百人，諗住同敵對黑幫火併，卻有一個農夫打扮嘅男人嚟搵佢。正當一眾組員想趕走呢個鄉下佬時，男人聲稱自己係美智嘅丈夫！原來當日美智忍受唔到丈夫小猛嘅龐大後宮，以及各種調教性癖好，憤而離家出走，呢次小猛就係嚟接佢返去。起初美智極力抗拒，但喺小猛強悍兵器嘅吸引下，喚起佢久違嘅慾火。
《遺忘物與高潮前輩》以倒敍法展開劇情，有晚棒球隊隊員男主角武田，撞見球隊惡魔女經理淺井優子，喺球隊器材室內邊聞住球衣邊自娛！原來淺井平日對武田尤其嚴格，經常對佢又打又鬧兼體罰，估唔到原來淺井不但暗戀武田已久，仲有聞住武田汗味球衣自娛嘅癖好。武田得悉箇中真相後，竟命令淺井即場為佢吹奏，而想挽回形象嘅淺井雖然表現抗拒，但身體卻春心大動。
漫畫名稱：《IJIRIMON》
作者：Kanbe
出版：Wani Magazine
頁數：200頁
撰文：魂