最近日本AV界同藝能界鬧得最熱烘烘嘅新聞，一定係AV女優葵司搭上松本潤嘅傳聞喇！由於松本潤知名度極高，呢單料成為大新聞，更加惹起好多人順藤摸瓜，發掘更多二人搭上嘅證據，結果發現佢哋唔係近日至拉上關係，而AV天后明日花綺羅似乎一早已經知道二人嘅關係添！
小弟一向都唔多留意日本藝能界嘅消息，之不過最近嘅一單藝能界新聞卻吸引到小弟留意，因為同一位AV女優有關，就係出道7年嘅可愛系女優葵司，而男主角係演出過日劇《金田一少年事件簿》嘅人氣男星松本潤。早前，雜誌《週刊文春》報道葵司喺上年12月10日、15日同19日，一個人去到松本潤家中作客！嘩嘩嘩！如果兩個都係單身人士都冇乜所謂，之但係松本潤本身已經有一位拍咗拖11年嘅女友井上真央，有傳佢哋今年拉埋天窗添，松本潤因而被冠上劈腿賤男之名，葵司就變成人人得而誅之嘅小三。
提到人人誅之，葵司喺2016年年中收過一次死亡威脅！當時阿妹嘅社交網有一位化名「死神」嘅人留言要葵司消失，仲話會喺佢隨惠比壽★麝香葡萄作全國巡迴之旅嘅時候落手！幸好，警方好快就將一名49歲疑犯拉到。家陣葵司嘅小三身份被揭，故有人認為死亡威脅可能與此有關。
消息指出，葵司同松本潤嘅親密關係喺4年前已經開始萌芽，據講二人喺知名歌舞伎演員中村勘三郎嘅喪禮當中認識，之後松本潤主動用短訊約葵司出街，二人暗交4年到近日關係至被踢爆，消息震撼日本藝能界同AV界之餘，松本潤嘅正印女友井上真央亦大受打擊，有傳佢興師問罪嘅時候，被松本潤回應一句：「再問就殺咗你！」真央認真慘慘豬！
其實二人關係都唔係冚到密不透風，喺2016年4月嘅時候，葵司於電視節目《麝香葡萄之夜》中，玩遊戲時被AV天后明白花綺羅問佢係咪晚晚都同一個男藝人上演激情場面，當時葵司以笑回應，而大家被當時嘅爆笑氣氛分散咗注意力，冇再追問葵司同邊位男藝人晚晚激情，呢件事顯出明日花綺羅似乎早已經知悉內情。順帶一提，喺該節目某一集，嘉賓主持阿佐佐谷姊妹曾經「爆格」入到葵司屋企進行大搜查，但係就冇發現屋企有任何男人留低嘅痕迹，難免令人懷疑每次都係葵司自己「送外賣」去人哋屋企。
葵司喺AV界一直都相當受歡迎，2010年於老牌AV廠Alice Japan出道，以可愛度爆燈嘅形象深深俘虜AV迷，更加獲AJ嘅負責人大讚阿妹擁有與吉澤明步以及蒼井空同等嘅潛質，更加同人氣高企嘅「永遠蘿莉偶像」花蕾可以話係一時瑜亮。而葵司喺2013年殺過去台灣拍攝電視劇《求愛365》，成為極少數能夠登陸台灣並且成功入屋嘅AV女優。到2015年葵司嘅事業更上一層樓，獲AV界龍頭大廠S1羅致為旗下專屬女優，之後喺2016年嘅DMM成人大賞獲頒授最佳表現獎。不過，得獎之後葵司嘅發展步伐好似放慢晒，據聞一向勤力嘅佢仲罕有咁喺上年第三季申請短暫休息，令大家都百思不得其解，可能係阿妹掛住溝仔至無心工作喇。
撰文：賢