南韓嘅車模之所以咁有人氣，除咗外形艷麗及身材火辣之外，加上散發出獨特氣質，迷倒唔少男生，好似人氣極高嘅尹珠荷，就以與別不同嘅清新魅力而成為大眾焦點。
形象同氣質之間嘅關係密不可分，有啲車模以性感形象示人，氣質冶艷，而喺大田廣域市出生嘅尹珠荷走純情鄰家女孩形象，憑住清新氣質，俘虜粉絲嘅歡心。不過大家咪睇佢成個鄰家女孩咁樣，就以為佢嘅模特兒資歷淺，事實上早喺2010年，佢以平面模特兒身份亮相，其後又化身成展場模特兒為商品站台。講到佢同汽車之間嘅緣分，於釜山國際汽車展開始，係佢首次以車模示人，自呢次演出後，佢先後喺多個車展登場，並喺2011年踩入賽車場，化身成純情賽車女郎，呢一年亦係佢喺模特兒界中大放異彩嘅一年，頻頻喺車展及賽場上現身，人氣不斷飆升，及後佢參加由電視台舉辦嘅模特兒真人騷比賽「XTM極端生存Racing Queen 2」奪得冠軍。須知道呢個比賽嘅參賽佳麗係現役賽車女郎及車模，樣貌同身材都一流，佢能夠脫穎而出，絕對係實力嘅肯定。
獲獎之後，佢嘅工作量愈嚟愈多，人氣亦隨之而爆發。如果大家有留意嘅話，會發現不論喺車展或賽車場上，佢罕有以性感形象示人，偶爾稍露少少事業線而已。大家唔好以為佢唔賣性感係因為身材冇睇頭，事實卻係啱啱相反。早前佢喺一輯寫真中以超低胸嘅性感造型登場，即時引嚟網民極大回響，皆因大家都驚訝原來阿妹身材玲瓏浮凸，雙峰更係豐滿堅挺，相當吸睛。咁點解佢一直將身材收埋呢？珠荷表示唔想刻意暴露身材而影響純情形象，希望大家將焦點集中喺佢嘅智性美上。唔講唔知，原來佢畢業水原科學大學嘅航空旅行系，讀書成績優異，諗住畢業後從事旅遊業，當年佢之所以去做平面模特兒，只不過係兼職賺學費。點知入行後佢發覺自己好喜歡做模特兒，加上人氣愈嚟愈高，最後便決定投身模特兒界，以此為目標奮鬥。
出生地：大田廣域市
身高：168cm
三圍：33、24、34
簡介：雖然尹珠荷唔係經常展露性感，但係單憑純情氣質足已令人着迷，皆因以鄰家女孩形象示人嘅車模屬極少數，而好似佢咁有樣貌又有身材嘅，更係少之又少，難怪佢嘅人氣一直有增無減。想了解阿妹多啲，梗係要睇佢嘅IG啦！
網址：https://www.instagram.com/yoonjooha_/
撰文：魂