十個男人九個去滾，其實唔少女人亦會瞞住男伴去偷食，當中嘅原因係同男人唔做家務有關。進行房事淨係識得喺自己張床做又點會過癮，唔知其他人又希望可以喺邊處開戰呢？講到上床，好多男人都鍾意聽到女伴急促嘅呼吸聲，有調查顯示女方嘅喘氣聲對於男人提升雄風有莫大幫助。
好多男人都自認係大男人，大男人則只做大事，所以出外點拚搏都無所謂，但係要佢哋做家務，那怕只係洗一隻碗都會牙痛咁聲兼且百般推搪，女人逼佢哋做家務就好似要將佢哋逼死一樣。之不過，各位男士們，特別係已經娶妻嘅男士切記要多做家務，因為早前加拿大阿爾伯塔大學進行過一項調查，訪問咗約1萬名女性，發現有72%出軌嘅女人認為自己有咁嘅不當行為，與男伴唔肯做家務有直接關係！亦有18%受訪女性指出男伴唔做或做唔足家務會令佢哋失去性趣。另一方面，有71%出軌嘅女人表示自己嘅母親亦曾經出軌，咁樣反映出上一代嘅行為對子女絕對有影響，甚至有「示範」作用，所以呼籲各位男士幾忙幾疲憊都好，返到屋企記得幫嬌妻做些少家務，對你嘅性生活以及婚姻生活絕對有幫助！
睇鹹片除咗可以滿足到我哋嘅官能感覺之外，仲可以滿足我哋好多慾望，當中可以滿足多P幻想，亦可以滿足到我哋於不同場地激情交歡嘅幻想，就好似日本AV名廠SOD嘅知名系列《魔鏡一號》咁，接載男女優去到大街大巷做愛，相信現實中有唔少人想試，但係就冇人會夠膽做。其實除咗喺街上激戰之外，又有咩場地係大家嘅幻想性戰之地呢？早前，新聞網站Reddit.com進行過調查，發現有好多人希望進行性戰嘅場地都相當挑戰道德底線，當中包括運送遺體嘅靈車入面，亦有人希望可以喺墓地激戰，真係離晒譜，好唔尊重先人呀！除此之外，仲有其他冇咁離譜但係亦相當挑戰道德以及高難度嘅場地，包括電梯入面、水塔上面，至於比較安全嘅就包括喺艇仔上面激戰。
睇鹹片係小弟不能戒除亦無意戒除嘅嗜好，之不過，睇鹹片經常為小弟帶來不便，因為與家母同住，每次都要等佢外出至可以放心收看，之不過又唔可以將聲量調得響亮，皆因屋企與鄰家之間牆壁甚薄，惟恐淫聲浪語被鄰人聽見。亦正正因為咁，搞到小弟睇鹹片享受唔到女優嘅淫叫，往往覺得不是味兒！唔知大家鍾意女人喺床上叫得大聲定細聲呢？早前日本網站dokujo.com做過一次調查，訪問咗100名成年男性，發現有66%受訪男士表示鍾意女方大大聲咁呻吟，原因係女方嘅呻吟聲夠大可以令性慾大大提高，本來唔做盡全力，亦變得不顧一切勇往直前衝衝衝！其他嘅34%就唔鍾意，甚至係討厭女方發出呻吟聲，有人就認為女方嘅呻吟聲好多時都係假扮嘅，所以唔叫好過叫！
撰文：賢