時光匆匆過，話咁快2016年就快結束喇！回顧過去一年，小弟無論喺各方面都冇乜進步，但係無穿無爛、三餐不缺，生活總算係過得去啦！而最近日本大型AV銷售網站公布咗2016年下半年AV銷量成績，嘩！不得了！老牌AV天后唔見晒，銷量榜畀班藝能人女優玩晒！
今年日本AV界發生嘅大事件都幾多，有唔少仲令人唔開心，例如一代潮吹女王紅音螢逝世，亦有引退女優大爆自己係被迫拍AV，搞到多位AV廠負責人被警方邀請去協助調查，同時令AV界風聲鶴唳，唔少AV廠都驚惶失措，幸好近期呢場風暴已經漸漸平息，業界發展總算回復正軌。有悲亦有喜，AV界出現咗一位又索又好波，表現相當出色嘅絕頂新人，佢就係有「寫真界救世主」之稱嘅前寫真小天后高橋聖子喇！聖子憑嬌俏美貌以及脹卜卜嘅天然G奶備受關注，所以佢轉型成為AV女優嘅消息震撼寫真界同AV界，早前聖子喺大型頒獎典禮「AV OPEN 2016」更成為七冠王添！最近AV銷售網站DMM發表咗2016年下半年AV銷量統計，聖子以君臨天下嘅氣勢，搶佔全年銷量榜第1位《Gカップ完璧ボディ芸能人 AV初次亮相》、第3位《グラビアアイドル4本番》及第4位《グラビアアイドル初イキッ！！》，可見聖子除咗獲得業界寵愛，仲廣受AV迷出錢出力支持！
聖子三部作品喺銷量榜十強當中，搶咗冠軍、季軍同殿軍位置，咁亞軍畀邊個女優搶走呢？答案係前藝能人坂口杏里喇！老實講，杏里雖然年輕活潑，但係睇過佢AV演出嘅AV迷，都覺得佢身材瘦削，皮膚質素甚差，個樣仲出現「崩壞」情況，即使演出幾咁落力，但係慘不忍睹嘅外表，令人卻步。之不過，杏里勝在喺藝能界薄有名氣，其母親坂口良子係一代經典寫真女神，加上杏里早年因為沉迷幫襯鴨店，搞到使晒阿媽留低嘅遺產而一度成為城中熱話，連帶其下海消息亦話題性十足，令杏里初下海嘅AV作品《藝能人ANRI MUTEKI What a day ! ! 》成功大賣。
至於聖子嘅師姐，前SKB48成員三上悠亞亦努力推出AV作品，但係作品銷量只能位列第7、8、10位，唔知悠亞會唔會覺得自己備受冷落而萌生退意呢？大家可以放心！絕對唔會！因為悠亞志不在此，事關佢嘅人氣已經遍布大中華地區，而且工作更向四方八面發展，包括為電子遊戲《人中之龍 6》演出，亦為一個博彩網站做代言人，財源滾滾，AV碟銷量呢啲嘢濕濕碎喇！
提到今年DMM嘅AV銷售榜由多位藝能人雄霸多個前列位置，除咗高橋聖子、三上悠亞以及坂口杏里之外，仲有憑作品《本番解禁》佔領銷量榜第5位嘅望月留美亦係前藝能人，即係話2016年多部高銷量嘅AV都係由藝能人玩晒，其他AV天后如Julia、吉澤明步、明日花綺羅嘅作品都冇晒影！
不過，正所謂有賭未為輸，班藝能人女優勢頭咁勁，都唔代表根正苗紅嘅AV女優輸晒，好似可愛度爆晒燈，被稱為AV界橋本環奈嘅凰香奈芽就憑初下海作品《新人 プレステージ專屬デビュー》奪第11位，算係有個好開始。不過，小弟替另一個AV天后擔心，佢就係「神之乳」Rion喇！阿妹曾經憑住一對超絕品J奶橫掃AV榜，但係今年只有兩部作品分別取得第17位同第18位，氣勢大不如前。幸好，作風一向神秘又低調嘅Rion表示明年將會發力，除咗會喺AV演出上多作新嘗試外，仲承諾會主動跳出AV拍攝場地，舉行握手會及聚會，實行爭取更高曝光率，咁阿妹你努力喇！
撰文：賢