有研究發現好多男人都好自大，高估自己下面嘅長度。男人鍾意年輕貌美嘅女仔，而成熟女士亦一樣，鍾意後生仔帶畀佢哋刺激感。難得搵到上床對象，男人當然要好好珍惜，不過有幾類型女仔男人唔會喜歡。
師傅成日同我講過盈則溢嘅道理，千祈唔好因為功夫同能力有番咁上下而自滿自大，亦唔好因為畀人讚一兩句就鬆毛鬆翼。之不過，好多人卻性格自大，最近有調查顯示男人一般都有自大心理，自覺命根兒又大又長。早前一個外國調查搵來多名成年男士協助，首先問佢哋估計自己於勃起時嘅陰莖長度及圓周，之後再量度佢哋嘅實質尺寸有幾多，結果發現當中大部分男士都自以為條命根又大又長，事實上卻並非如此。精神科醫生David Veale表示，從上述調查嘅結果可以知道男士們普遍都高估咗自己小弟弟嘅尺寸，同時亦引伸到佢哋誤以為自己嘅床上戰鬥力相當強，建議男士們多認識自己嘅身體以及床技，同時與伴侶多溝通，一齊尋找適合嘅體位以及床上快感方程式。
相信大部分男人都鍾意18歲卜卜脆嘅女仔，一來貪圖佢哋嘅鮮嫩胴體，二來喺佢哋面前可以扮到好有男子氣慨，滿足到大男人心態。至於女士們又點諗呢？唔少男人都認為女士們大部分都鍾意成熟型男士，覺得女士會以為成熟男人可以為佢哋提供到更好嘅照顧，喺床上表現方面亦會因為經驗豐富，能夠令佢哋更加歡暢愉快。之不過，調查發現男士們咁諗就真係錯晒喇！約會網站「Gleeden」早前訪問咗11,000位成年女性，發現當中有68%受訪者表示鍾意比自己年輕嘅後生仔，點解呢？原因係後生仔擁有充足又旺盛嘅精力，咁至能夠滿足到女方嘅性需要，仲有同後生仔一齊可以提升優越感同自信心。咁我哋呢班中佬點算呀？惟有努力Keep Fit啦！
男人貪新忘舊，但係如果搵到一個合適嘅床伴，相信佢哋亦唔介意久不久約出嚟，搵個地方盡情享受床上歡愉。之不過，好多情況係一夜過後就冇下次，原因可以係女方唔鍾意個男仔，但係你揀人，人亦揀你，女方嫌棄男仔，男仔亦會嫌棄女仔嘅床上表現未如理想。咁有咩因素令男士們覺得對方唔適合再有下一次呢？「Menjoy!」早前訪問咗多位男士，結果發現最大原因係女方喺床戰過程中粒聲唔出！咁又係，就算男方細到令你冇反應都好，點都畀番少少叫聲吖！第二個原因係太過乾，女方喺床戰時無甚分泌，令過程唔得順暢。第三係女方體溫偏冷，咁樣令男人覺得對方完全冇熱血沸騰嘅感覺，亦反映出男方嘅床上功夫未到家，頹然生起自卑之心。第四係女方表現太過狼胎，女仔進取雖然係好，但係太過大食就表示女方經驗豐富、閱男無數，令男士驚自己體力未能夠應付其需要，亦擔心自己嘅功夫會被女方評級。
撰文：賢