一個良性大話無傷大雅，專家仲話上床前同女伴講一個小謊話，可以令大家喺床上玩得更加痛快淋漓。雖然話一個人兩條心唔算多，但係男人點都唔想戴綠帽，咁出軌的女人有咩特徵呢？唱K喺日本係一個受歡迎嘅消閒活動，而家陣班日本妹租房唔係唱K，而係影鹹相！
小弟溝女經驗淺，所以成日都會向師兄討教溝女心得，佢哋表示溝女其實離不開呃呃氹氹，當然唔係呃對方嘅錢財同肉體，而係講一啲良性嘅大話，例如「你今日真係好靚，全個場最靚都係你咯！」又或者「你係我一生中最愛嘅女人。」莫論說話孰真孰假，起碼對方聽起上嚟一定好開心好受落，欺騙成分亦唔算好高。美國肯塔基大學嘅Kristen Mark博士建議男士們與伴侶上床之後，不妨講一個小謊話，為大家嘅床戰更添情趣同精彩！博士引述其他研究指出，佔百分之九十六嘅受訪女性都希望男士喺床上做主動有主見，亦有百分之八十六女性表示覺得男士做主動，令佢哋喺床上得到歡愉嘅重要因素。而博士就表示男士們想令女伴滿足，可以喺上床之前同佢哋講，話自己尋晚發夢見到大家喺床上玩得好激，至於點玩法、玩過乜就隨你點噏，講呢個謊話嘅目的其實只係想令女伴知道男方好有衝擊亦好有「夢想」，交歡嘅時候大家都帶住憧憬，自然過癮好多又投入好多喇！
從面相學嚟睇，女仔雙眼水汪汪，代表佢桃花旺盛，惹來好多狂蜂浪蝶，就算佢意志堅定，對伴侶幾咁堅貞，但係身邊咁多誘惑，底線始終會有一日被「攻破」。除咗從雙眼可以睇得出女仔出軌嘅機會有幾大之外，從佢哋嘅打扮、性格以及往事當中，亦可以分析到其出軌機會。人類行為心理學專家Helen Fisher點出三種容易出軌嘅女性特徵，第一個就係冇安全感嘅童年喇！專家話女仔童年時同父母相處愉快又生活安定的話，長大之後亦會比較喜歡過感情固定嘅生活，相反父母成日吵架，又冇乜時間同父母相處嘅女仔，長大之後就容易四圍偷食。另一個特徵係鍾意着褲，專家話鍾意着褲嘅女仔活力較強，亦代表佢喺現時嘅感情關係當中得唔到平衡同穩定，需要搵多個男伴照顧自己。仲有一個特徵就係熱愛冒險以及戶外活動嘅外向個性，專家話呢種女仔除咗體能好、慾望強，更係難以抵抗出於身體嘅衝動，自然好難忍受得到來自其他男性嘅誘惑啦！
喺日本嘅大城市如東京，高樓價一樣係一個大問題，由於樓價高，租金自然貴，租金貴大家自然愈住愈細。亦因為居住面積細，所以唔少人都鍾意外出租房嚟消遣，日本就有唔少DVD店提供埋個室租用，畀用家租碟再租間房獨個兒享受煲碟樂趣。除咗DVD個室，最近仲興起叫「見學店」嘅影樓，呢種見學店通常都係由後生女租用，一小時租金約為3,000日圓，約為200港紙。班後生女可以喺見學店嘅個室內對住多塊大鏡喪影，仲可以使用入面嘅道具同服裝，之不過近期就有人發現使用見學店嘅後生女所拍嘅影片認真淫亂不堪，除咗喪影自己及同行女仔嘅走光照，仲會做出好多床上體位，意識極意淫！幸好佢哋通常都係全女班影相，如果有一個男生一齊影的話，肯定把持不住。
撰文：賢