女人心事，男人有幾多個會知？調查發現原來女人鍾意男人早洩多啲！性慾強嘅女人可以點樣睇得出呢？一陣話畀大家知。提到性慾強，出現高潮唔一定要靠做愛，原來仲有好多事物可以令人達到高潮。
男人做乜都可以快，但係做一件事就愈耐愈好，冇錯！就係房事！相信絕大部分男人都希望自己擁有超強持久力，同女伴想做幾耐就幾耐，咁先可以從房事上拾回自信同尊嚴。之不過，正如物理學家霍金話齋，女人係宇宙間最大謎團，男士們又知唔知女人點諗呢？女人係咪鍾意做愛做得耐呢？日本網站「DOKUJO」早前訪問咗100名成年女性，問佢哋鍾意男伴早洩定遲洩，結果相當令人驚訝，有6成受訪女士表示鍾意男人早洩，點解嘅？做耐啲唔係開心啲咩？有鍾意早洩嘅受訪女士就話佢哋興奮嘅心情其實唔能夠保持得太耐，如果男方遲遲未完事，會令佢哋嘅情緒冷卻落嚟，亦有女士話做得太耐，搞到身體好疲倦，仲要全程做足反應，覺得好辛苦，甚至會產生厭惡感覺。至於另外4成女士就支持男人遲洩，當然係因為可以盡情享受歡愉快感啦！
男人對房事有好多誤解，例如以為靠自己嘅好兄弟猛力抽送就可以令女方高潮迭起，事實上有好多調查同研究都顯示女人鍾意被刺激陰蒂多啲。亦正因為有呢種誤解，好多自以為是嘅男人都覺得女人冇咗佢哋唔得，老實講，家陣情趣玩具五花八門，且功能齊備，女人其實唔使男人都可以高潮迭起，而且仲有好多事情可以令女人產生高潮。據報道指，夏威夷有一種名為Dictyophora嘅蘑菇，其香味令女人聞一聞就得到高潮！另外，唔少女性都表示坐過山車嘅時候，會因為當中嘅刺激感加上坐位嘅震盪而出現高潮，大家下次坐過山車見到有女士條褲濕晒的話，就唔會以為佢嚇到瀨尿喇！喺女士生產期間，亦有九分之一女性感受到高潮，十分之一女性喺進行運動期間亦會有高潮感受。
就快到聖誕節，小弟萬分期待，因為我將會參加好多派對，除咗有飲有食之外，仲可以識到好多女仔呀！不過，陪小弟出席派對嘅朋友一向急色，除咗想識女仔，仲想發展一夜情，相信男士們亦有咁嘅意圖，但係點樣分別得出易溝又性慾強嘅女仔呢？日本網站「aikatu.jp」早前就引述研究指出，身材比較矮嘅女仔性慾通常較強，原因係性早熟嘅女仔通常都身高生長遲緩，到發育期過後身高都冇乜顯著增長。而性早熟嘅女仔體質亦比較容易撻着，性慾易於被激發，唔怪得高大嘅女仔予人高不可攀嘅高傲感覺，而細細粒嘅女仔就較為熱情，予人親切感啦！另外，網站亦指出女仔嘅無名指長過食指亦係性慾強嘅特徵之一，顯示出佢哋喺胎兒階段體內睾丸硐素較高，長大之後對性較衝動亦較主動！當然，男士們溝女嘅時候都唔好見到女仔合乎上述兩個條件就亂咁嚟，徵求得對方答應至好進行「深入了解」呀！
撰文：賢