口味嘅嘢人人唔同，好似日本嘅十八禁遊戲，有啲人鍾意蘿莉系美少女，亦有人鍾意重口味愉虐。為咗滿足唔同玩家嘅喜好，一啲較冷門嘅成人遊戲應運而生，好似呢隻由日本成人遊戲大廠Ensemble推出嘅《少女喜歡色彩的精華～笑着編織未來～》，就係打住後宮劇情同百合元素，吸引不少好此道嘅玩家捧場。
遊戲由8個章節組成，喺每個章節中，玩家要扮演唔同男女角色，然後同各位囡囡發生關係。好似喺《咲夜後日談》篇章中，玩家化身成剛到豪門天城家工作嘅男主角直人，佢乘住工作之便，經常同千金小姐咲夜曳曳。正當佢過住風流無比嘅日子時，突然接到老爺任務，就係要男扮女裝化身成美少女千弘，陪小姐咲夜喺女子學園讀書，就咁開始咗伴讀書僮嘅生活，面對一連串誘惑之餘，同時令佢同咲夜嘅感情帶嚟極大挑戰！
開發商：Ensemble
售價：￥7,800（約HK$525）
撰文：魂