真係一年容易又過冬，相信大家正計劃點樣迎接新一年，日本AV界已經開始為最新一屆成人頒獎典禮做準備，呢個就係被稱為日本AV界奧斯卡嘅Sky PerfecTV成人放送大賞喇！當中各獎項嘅入圍名單已經出爐，大會仲搵埋上屆兩位得獎女優以性感泳裝姿態出動做宣傳添！家陣即刻就同大家睇睇啦！
年紀愈大，就覺得時間過得愈快，轉眼間又嚟到12月，意味2016年好快就會過去！小弟一向都冇乜遠見，對於來年冇乜願望，亦冇乜展望，但係對來年一件盛事就一定會留意，大家估得冇錯，就係日本AV界其中一個重要頒獎禮「Sky PerfecTV成人放送大賞2017」喇！最近主辦單位已經擬定好四個獎項嘅入圍名單，有咩女優入圍就轉頭再同大家講。為隆重其事，主辦單位早前就安排咗兩位AV界重量級女優擔任新一屆成人送大賞嘅宣傳大使，佢哋就係初美沙希以及成宮彩葉喇！點解搵佢哋？初美沙希係上屆成人放送大獎嘅四冠王，一人攬「女優獎」、「作品獎」、「夕刊Spa!獎」以及「Sky PerfecTV獎」；至於成宮彩葉呢位極品熟女喺上屆勇奪「熟女獎」。兩位女優早前以宣傳大使身份踩上多個傳媒如《夕刊Spa!》、《東Sports》等辦公室發表入圍名單及收集意見，而佢哋為咗令各傳媒嘅員工精精神神，更加換上花俏養眼嘅泳裝搔首弄姿，點解唔嚟我辦公室呀！
至於沙希同彩葉認為新一屆嘅新人獎得主會係邊個呢？先睇睇今屆新人獎入圍名單，包括亞須希、皆野愛、向井藍、桃乃木香奈，四位女優都青春無敵，當中特別以桃乃木香奈最具人氣以及實力，加上佢好識得利用社交網站宣傳自己嘅大食日記，喺AV迷之間話題性相當高，初美沙希就認為香奈好有機會奪得新人獎。不過，彩葉就表示唔好唔記得入圍名單仲有超人氣小天后三上悠亞！呢位前SKE48成員出道以來人氣極速上升，喺亞洲地區已經打響名堂，雖然香奈實力唔錯，但係同悠亞比可能輸蝕少少。
至於熟女獎入圍名單有葵紫穗、井上綾子、羽月希以及橫山美玲等四位美熟女，初美沙希話自己冇做過熟女角色，就交由成宮彩葉評價一番。成宮彩葉話熟女獎入圍佳麗當中，大部分女優都同佢接觸過，係葵紫穗呢位初出道熟女未見過面。彩葉仲表示橫山美玲同井上綾子都工作認真，而且反應超強烈，但係眾佳麗當中最有機會跑出嘅應該係羽月希，因為羽月希喺過去一年曝光率高而且工作拚搏，更重要嘅係羽月希擁有強烈嘅整潔感同存在感，喺AV迷心目中評價相當高。
至於每年都最多人留意嘅女優獎方面，入圍名單有AIKA、阿部乃美久、伊東紅、栗林里莉、古川伊織、佐倉絆以及長瀨麻美。彩葉同沙希異口同聲表示伊東紅以及栗林里莉勝算較低，特別係後者喺過去一年作品唔多，表現未如理想。至於其他佳麗就以佐倉絆、古川伊織以及AIKA最突出，不過AIKA嘅黑肌涉谷妹形象鮮明、床上表現如虎似狼，注目度為入圍佳麗當中最高，沙希同彩葉都睇好佢勝出女優獎。
現時「Sky PerfecTV成人放送大賞2017」已經開放網上投票，大家Click上網就可以投下神聖一票，每人每日可以投票一次，想自己嘅心水女優勝出就記住每日一投喇！
網址：http://adult-awards.com/top/
撰文：賢