鹹濕佬最易呃

騙財手法唔怕舊

話說浙江省杭州市桐廬縣嘅警方接到有人報案，指網絡上出現色情詐騙。經過調查後，發現對方原來係一個嚟自湖北、由5名男子組成嘅詐騙集團，自今年6月起透過網絡成功呃咗一班鹹濕佬超過10萬元人民幣。據集團成員指出，佢哋以湖北作為基地，並將社交平台上嘅頭像設定為性感美女，同時留下招嫖訊息及聯絡電話，當有玩家打電話嚟時，佢哋就會要求玩家先畀按金、安全費及服裝道具費存入指定銀行戶口，收到錢之後，跟住就失去聯絡。唔好睇呢個騙財手法好流，事實上自從詐騙集團開業以嚟，每日都收到全國各地打嚟搵女嘅電話，最多一日更接到超過200個，當中呃得最多錢嘅一次有7,600元人民幣，所以話男人鹹濕起嚟只會用下面諗嘢。

摸摸茶漸式微

以前台灣嘅摸摸茶曾經興盛一時，而所謂摸摸茶嘅意思，即係玩家可以用手搜索囡囡全身，但唔可以伸手入褲內，囡囡亦唔會同玩家接吻，簡單嚟講即係過手癮是也。之所以有摸摸茶呢個名稱，皆因早期呢種色情活動喺冰果室、茶藝室等地方提供，玩家只需柯打1杯茶飲，就可以喺梳化開心一下。雖然仲有熟女店、純情店、辣妹店等摸摸茶選擇，但由於對玩家嘅滿足度太低關係，故此近年已經被色情按摩院、養生館、美容院等提供半套服務所取替。不過式微又唔代表冇，好似高雄仍然存在摸摸茶玩意，但係純正嘅摸摸茶店已經極少有，反而暗中提供半套服務嘅卻愈嚟愈多。如果玩家想有進一步嘅「活動」又得唔得呢？玩家就要同女方商議後，再到酒店繼續下文喇！難怪有台灣玩家稱，家陣想平玩純正摸摸茶已經相當困難。

陪酒女郎唔易做

每年年底都係消費嘅高峰期，而對日本嘅風俗店嚟講，更係衝擊業績嘅重要時刻，因此唔少風俗店都會喺呢個時候推出割價優惠。不過又唔係所有夜店都會咁做，更唔擔心冇生意，呢類店就係有陪酒女郎嘅酒吧、酒廊同夜總會！日本男士不但多應酬，更鍾意飲番幾杯，而有陪酒服務嘅夜場，更係唔少人社交聯誼嘅好選擇，難怪就算佢哋唔搞任何活動，都唔憂冇客人會捧場。雖然好似唔憂冇着落，但唔代表佢哋冇嘢煩，皆因佢頭痛緊喺邊度搵好酒量嘅陪酒女郎嚟招呼班玩家。據佢哋解釋，平時日子客人都好規矩，因此陪酒女郎唔會飲得幾多。不過由於班男人每年到咗呢個時候，不但玩得零舍癲，仲鍾意係咁請陪酒女郎飲酒，酒量差啲真係頂唔順。位於東京錦糸町嘅夜總會「Club Cleanest」就有辦法，就係先為陪酒女郎派定具有解酒作用嘅維他命丸，等佢哋飲得多咗都唔會有太大問題。另一個做法就係採用輪流休息制，等陪酒女郎有更多休息時間，當然囡囡最期望玩家飲多啲嘅同時，仍然可以守規矩啦！

撰文：魂