曾經畫過成人漫畫，後嚟回歸主流嘅漫畫家，究竟呢段成漫日子會否成為黑歷史呢？各人有唔同睇法，但係日本嘅漫畫迷不僅唔認同係人生低谷，仲相當值得回味。好似日本人氣漫畫家Hisasi，喺一般向漫畫界有傑出成就，佢所畫嘅成漫作品擁有極高銷量，甚至被視為經典，當中成漫單行本《少女的棘刺》可說是表表者。
現居於日本大阪嘅Hisasi，早喺讀書時期已活躍於同人漫畫界，當時嘅畫風已令人一見難忘，漫畫線條不但一啲都唔似新人，動輒香汗淋漓嘅女角色，同埋汁液亂噴嘅情慾場面，更引爆讀者嘅原始本能。雖然有人認為作品嘅缺點在於劇情單薄，角色性格又唔突出，但憑住有趣嘅成人題材，加上爆汁嘅巨乳女角，仍獲得不少成漫迷關注。
隨住喺同人界冒起，當大家以為佢會以漫畫家身份正式出道之際，佢卻改投插畫界。喺同人漫畫及商業插畫雙線發展時，2011年底終於獲得成人漫畫月刊《COMIC快樂天》青睞，喺月刊發表處女成漫作品兼出道。由於佢嘅人氣早喺網絡累積不少，故此呢次發表引嚟極大關注，連帶月刊銷量節節上升。
及至2012年11月，佢首本成漫單行本終於面世。漫畫名為《情色的啟動開關》，不但獲得極高銷量，更被視為代表作之一。其後喺2013年先後推出《小惡魔般的女友》及《少女的棘刺》，雙雙打入當年成人漫畫銷量榜嘅十大，亦係唯一一位成漫家嘅單行本能喺同年打入銷量榜頭十位！喺2013年開始，佢為《英知學園的UNDER HEART》、《懶洋洋寢貓的怠惰偵探帖》、《魔裝學園H×H》等人氣輕小說繪畫插畫，同時漸漸淡出成人漫畫創作。
《少女的棘刺》收錄咗Hisasi於成人漫畫月刊《COMIC快樂天》發表過嘅作品，全部都能體現佢汁液狂噴嘅色慾風格，當中包括《Give You Me》、《SYSCON》、《生Chocolate tasty》、《Stay with Miu》、《哥哥大翻轉》、《Lesson H》、《Swimming Love》、《意想不到的愛》、《對你的愛》、《夏祭之夜》、《暑假還沒結束》、《Made In Secret》、《失戀幸福》、《Babble》、《Second Grin》及《最愛巨乳》共16個單元故事。如果要問邊個故事最值得回味嘅話，定要推介《Give You Me》同《Stay with Miu》。
《Give You Me》之所以能夠成為Hisasi粉絲心目中嘅經典，理由其實一啲都唔難明，皆因故事中嘅女主角佳乃，萌得嚟又有巨乳。故事講佳乃暗戀鄰居發明家周造好耐，佢趁住聖誕節將至，於是問周造究竟男生收到乜嘢聖誕禮物會最開心。周造聞言就拎出佢嘅新發明「變裝斗蓬」，將佳乃變成一位超性感嘅內衣禮物女郎！佳乃見狀膽粗粗問周造，想唔想將自己收下。面對咁性感嘅巨乳索女，相信大家唔使諗都估到周造有乜嘢反應啦！
《Stay with Miu》係講善良男同貓娘嘅浪漫故事。男主角時雨某個雨夜喺街上遇到被遺棄嘅可憐小貓，為佢取名為美羽。點知某日佢返到屋企，發現美羽竟變成一位巨乳美少女！雖然變咗做貓娘，但佢嘅習性仍然同貓冇分別。有次美羽偷酒飲，結果醉咗春情暴發，不但對時雨上下其手，更主動拔出對方嘅兵器。縱然時雨感到相當興奮，只內心卻有個疑問，點解美羽要咁做呢？輕鬆內容加上濕度極高嘅故事，難怪會備受追捧。
漫畫名稱：《少女的棘刺》
作者：Hisasi
出版：Wani Magazine
頁數：211頁
撰文：魂