有人話畫漫畫要講天分，既要畫得靚又要識得構圖，兼要懂得鋪排故事，喺適當時候帶出高潮，成人漫畫仲要「露」多兩手，咁先可以睇到成漫迷流晒口水。講到箇中高手定要提日本成漫家石川始介，喺佢嘅單行本代表作《緊緻嬌羞》中，各位可領略箇中要點。
石川始介有句名言，就係每個男人心底裏都有癡漢嘅特質。正因為咁嘅原故，佢並唔似一般漫畫家，夢想他朝成名而加入漫畫界，反而希望粉絲每次睇完佢嘅作品都有代入感。為咗達到呢個目標，佢用咗長時間鍛煉點樣繪畫出係男人見到都覺得正嘅角色同色慾場面。經過長時間苦練，佢畫風變得極具個人風格，不但擅長繪畫豪乳女角，仲可描繪出濕度極高嘅情慾場面，加上佢長期對唔同類型女性細心觀察，令漫畫女角嘅個性鮮明，作品元素亦多元化。
憑住呢啲特質，早喺佢出道前已喺成漫同人界頗具名氣，更被成人漫畫月刊《COMIC快樂天》睇中，喺2009年開始於月刊發表作品，而佢首個長篇單元故事就係《癡漢專用車輛》。作品甫喺月刊發表便獲得好評，更憑此獲得《COMIC快樂天》第25回新人漫畫王大獎。呢個殊榮不但令佢人氣急升，同時開展其輝煌成漫之路。講到首本單行本作品，要等到2011年推出嘅《淫蕩的野獸》。繼呢本好評如潮嘅作品後，翌年推出嘅《縱慾過度童話性事》更具人氣，不過講到代表作，唔可以錯過喺2014年7月面世嘅《緊緻嬌羞》。
作為石川出道以嚟第3本單行本作品，《緊緻嬌羞》收錄咗喺成人漫畫月刊《COMIC快樂天》發表過嘅14個單元故事，分別有《後宮×後宮》、《後宮×後宮 那之後》、《麵包店之戀》、《NG家庭教師》、《女性朋友》、《沒骨氣》、《家嬌》、《想要被懲罰》、《喜歡喜歡戀愛樂透》、《有事相求》、《怪盜》、《大家的那女孩》、《天然溫泉》同《夏祭》，當中嘅《後宮×後宮 那之後》更係為咗呢本單行本而全新繪製。講到書中最獲得好評嘅單元故事，要數《女性朋友》同《想要被懲罰》。
《女性朋友》嘅男主角同性格男人婆嘅女同事超Friend，有晚女友人同男主角講，公司新嚟嘅弱雞男田中同佢表白，佢二話不說就答應咗交往。男主角聞言感到驚愕，因為佢從未諗過會有人鍾意呢位男人婆。女友人問男主角，有乜辦法可以瞞過對方自己仍屬處女，於是男主角就教對方主動出擊，扮到好有經驗咁樣。喺男主角一步步引導下，佢竟然春心蕩漾，結果兩人就咁發生咗超友誼關係，回復理智嘅男主角完事後竟然爆喊，點解會咁呢？
《想要被懲罰》係個關於超M男嘅搞笑故事，背景發生喺一戶豪門家庭中。話說變態大小姐有鋪SM女王癮，經常調教一班女僕。每次見到大小姐調教，作為管家之一嘅男主角都會相當興奮，有次佢終於忍唔住，向大小姐提出被調教請求。大小姐見有人送上門梗係十分樂意，於是叫對方喺佢面前自娛，點知男主角忍唔住喺大小姐面上發射！氣憤嘅大小姐將行動升級，經過一番地獄女王式調教後，男主角體驗到無比嘅高潮。不過呢個故事仲未完，因為男主角為求再調教，卻換嚟悲慘嘅下場。書中所有作品貫穿搞笑元素，既好笑又充滿色氣，絕對值得一看！
漫畫名稱：《緊緻嬌羞》
作者：石川始介
出版：Wani Magazine
頁數：215頁
撰文：魂