自從今年4月內地發生北京和頤酒店，有女住客被男子襲擊事件而令卡片黨曝光，引起有關當局關注，掀起一連串打擊行動。經過全國各地一輪打擊後，事情發展亦按照慣例，起初卡片黨的確收斂咗，其後卻死灰復燃，而且變得更加地下、更加隱蔽，甚至有人形容佢哋嘅行蹤好似間諜咁詭秘。
早前湖北宜昌市伍家崗區嘅警方，發現有卡片黨喺賓館內派發招嫖嘅色情卡片，於是採取行動，當場將呢兩名年輕男子逮捕，並喺佢哋所駕駛嘅電單車上搜出超過2,000張色情卡片。警方盤查呢兩位疑犯時，發覺佢哋嘅行動相當神秘。原來呢兩名疑犯有晚喺網吧遇到一名男子，對方叫佢哋幫助到賓館派發色情卡片，每日可獲得100元人民幣酬金，而呢位男子則每日不定時喺網吧出現，除咗畀酬金外，仲會送上新一疊色情卡片。喺整個過程中，兩名疑犯都唔知神秘男子叫乜名，只係知道佢嘅手機號碼，而警方撥打該名男子嘅手機號碼時，卻無法接通。
香港嘅一樓一鳳竇往往係幾層式咁經營，例如從3樓直掃上去6樓，而且都係同一個集團經營。喺台灣亦常見呢種情況，只係佢哋好多時並非分拆出多個一樓一單位，反而會將佢變成多層式架步。好似基隆有位62歲邱姓婦人，佢以每個月40,000元新台幣（約9,740港元）向一名林姓房東承租位於基隆夜市廟口附近一楝樓房2至4樓嘅單位。原來佢將呢3層嘅單位變成鳳竇，2樓變成接待櫃台，3樓間隔成5間套房，並以每個月10,000元新台幣（約2,435港元）出租，4樓則作為小姐同佢自己嘅休息室。與此同時，每當套房內嘅小姐有生意時，佢都會從中抽佣。不過呢個如意算盤卻打唔響，皆因當佢營業冇耐，套房都未租晒出去，就已經被警方破獲，喺行動中除咗邱女被捕外，更當場逮捕3對喺套房內進行交易嘅男女。據邱女求情時表示，佢因離婚後獨居謀生不易，而法院亦考慮佢有經濟上困難關係，故此判佢入獄3個月，或以90,000元新台幣（約21,917港元）罰金代替，都算係輕判。
喺日本AV中，經常見到扮演邪骨技師嘅女優全裸侍客，只係現實中卻極少有風俗孃會咁做，最主要原因係自古以嚟，風俗業都冇全裸服務。不過傳統嘅嘢係可以改變嘅，好似位於東京豐島區大塚嘅老字號性感美容風俗店「Sepia」，佢喺當地已經有超過15年歷史，一直以嚟都以「回春」按摩作為賣點，所謂回春嘅意思，即係按雀仔是也。喺服務過程中，風俗孃都係穿着內衣提供服務，只有到關鍵時刻先至會全裸示人，由開業以嚟一直係咁做。為咗畀到玩家色氣更濃厚嘅體驗，早前佢哋一改風格，風俗孃以全裸姿態提供服務，喺上床前已經剝光豬，跟住同玩家按摩。不過大家咪以為既然囡囡除晒衫，就可以過足手癮呀！雖然風俗孃冇着衫，但唔代表玩家可以手多多，皆因風俗店規定，除非玩家畀錢選用「接觸」服務，否則過程中玩家並唔能夠對風俗孃嘅身體有所接觸，名副其實齋睇。對我哋嚟講，呢個規定好似匪夷所思，只係呢啲規定喺日本風俗店司空見慣，問題在於玩家守唔守規矩而已。
撰文：魂