玩家雖然係嫖界中人，只係唔少人為咗解決心理或生理需要，先至會去花錢搵囡囡，就算個人有幾咁爛滾，每個男人嘅精力有限，又可以滾得幾多呢？因此有人喜歡去足浴店按吓腳出吓火，感覺已經相當滿足。
內地嘅夜場生意同季節有冇關係？好似火鍋店及BBQ場同季節有密切關係多啲喎！據夜場人士稱，原來有種風月場所嘅生意係會受到季節嘅影響，就係色情足浴店。原來每到冬天都係足浴店嘅旺季，理由係同佢哋主打嘅服務有關。大家都知呢啲足浴店嘅所謂足浴服務，求求其其按吓腳做吓樣，重點係客人同囡囡啪啪啪或享受口手嘅服務，雖然如此，提供服務之前的確會有盆熱水畀客人浸腳。每到冬天對腳總係會凍冰冰，嚟一盆熱水足浴，既可促進血液循環，加上有技師按吓腳，絕對係冬天最佳享受！正因為咁嘅緣故，所以呢啲足浴店喺冬天嘅生意零舍旺場。據足浴店人士稱，客人以北方人為主，皆因佢哋有個傳統習慣，就係喺冬天每日都會用熱水浸腳，而呢啲足浴店不但有得浸腳，仲有技師幫客人嘅第三隻腳減壓，絕對係一舉兩得。
一直以嚟喺台灣從事色情服務嘅女郎當中，嚟自內地同越南為主，不過近年投身色情業嘅越南女郎有愈嚟愈多嘅趨勢，同時需求量亦增加。有人話食得鹹魚抵得渴，呢班越南女郎為搵錢而下海唔抵可憐。話雖然咁講，但實情有啲越南女郎嘅遭遇都幾可憐，話說早前台北萬華區警方喺一次行動中，逮捕咗喺色情養生館提供半套服務嘅越南籍26歲阮姓女郎，原來佢係屋企嘅經濟支柱，本來諗住去台灣做看護嘅佢，為咗慳番中介費，於是搵人蛇集團偷渡到台灣工作，卻估唔到呢個人蛇集團竟安排佢到色情養生館度做囡囡，因為屋企急住用錢，佢惟有下海，而喺每次1,500新台幣（約375港元）半套服務中，可以分到1,000新台幣（約250港元）。家陣畀人拉咗要被遣返，仲要蝕埋蛇頭費，對佢嚟講真係極大嘅打擊。
雖然日本遲結婚嘅人有唔少，但係好多人都希望能夠早婚，佢哋早婚唔一定係為咗生仔，而係同社會文化有莫大關係。早結婚固然有佢嘅好處，但係卻有更大機會產生婚姻厭倦心理。至於早婚同夜遊又有乜關係呢？答案就係同位於東京新橋嘅風俗店「Love Marriage」有關。呢間喺2008年開業嘅風俗店，最初以美少女作為賣點，吸引玩家捧場。最近風俗店搞搞新意思，為早婚男推出一種讓佢哋重拾婚姻熱情嘅情趣服務，玩法係喺服務過程當中，風俗孃會稱呼玩家做老公，等玩家可以為沉悶嘅婚姻生活中搵到失去嘅激情，簡單嚟講，只不過係噱頭嘢。話雖如此，但係有唔少玩家認為呢種服務好吸引，只係究竟係咪會令佢哋重拾對婚姻嘅熱情呢？答案只有佢哋至知喇。
撰文：魂