男人要取悅女人，除咗要做一個聆聽者之外，有研究發現仲要有講故事技巧。要喺床上令女伴興奮，前戲相當重要，但係做得唔好就會有反效果。睇鹹片係好多男人嘅嗜好，唔知佢哋睇鹹片嘅時候有咩特別習慣呢？
好多男人其貌不揚，身形亦唔見得健碩雄壯，身家又唔夠豐厚，總之各方面都及唔上小弟，之但係有一方面，卻令小弟甘拜下風，就係佢哋身邊往往有好多女仔圍住團團轉，女友一直不缺！點解呢？小弟覺得佢哋勝在大膽且臉皮厚，加上口花花，氹得啲女仔不知幾咁開心！事實上，男人口才了得對於冧女的確相當重要。美國北卡羅萊納大學早前進行過研究，搵嚟一班女士先睇完多張男士照片再作評分，然後再安排佢哋聆聽相中男士講故事，發現女士們會對講故事技巧較叻嘅男士加分。研究員綜合結果之後得出結論，就係講故事叻嘅男士比其他男人嘅吸引力高出約29%！原因係女性認為講故事叻嘅男士有智慧、魅力強、社交技巧好、個性突出，而呢幾點都係發展長遠關係嘅條件，所以女士們會對佢哋較為鍾情。原來係咁，咁小弟都要多啲練習說話技巧喇！
做運動要熱身，同女伴上床，男士們喺施展雄風進行猛烈抽送之前亦要熱身，呢種熱身唔係拉筋而係前戲！好多調查同研究都顯示要令女伴獲得高潮，充足嘅前戲絕對唔能夠缺少。之但係，男士即使能按捺得住唔立即抽送而進行一連串前戲，過程當中亦唔可以犯錯，性學專家Lisa Hochberger提醒男士喺前戲時應該要注意一啲事項。首先，做前戲嘅時候要有充足時間，最好係10至15分鐘，咁至有時間將女方撻着。第二係上床之前都要有前戲，例如食晚餐嘅時候輕撫女仔隻手，行街時摸摸纖腰、玉背，以及吻一下女方嘅耳背、臉頰，呢類身體接觸對女仔嚟講相當重要。第三就係要有適度溝通，不妨開口問吓女方刺激嘅位置是否正確。第四係動作溫柔，好多男人錯誤向女方嘅敏感點加強力度刺激，其實力度剛剛好而且有節奏就足夠。
早前有調查顯示出，沉迷睇鹹片會令男士對真實性愛失去興趣，就算有興趣進行交歡時嘅愉快程度亦會下降。之不過，作為一個單身男人，得閒睇吓鹹片調劑一下亦好平常，就算已經有伴侶，睇鹹片亦可以提高性趣以及從中學習一下床上技巧，只要唔好過分沉迷相信唔會帶來負面影響。最近，知名鹹片網站Pornhub進行一個調查，訪問咗4,168名成年男用戶，以了解一下睇鹹片對佢哋嘅性生活有咩影響，結果有46%受訪男士表示睇鹹片嘅時候會用手自娛，平均時間為10至15分鐘就會發射；40%就表示會用情趣玩具自娛，大概會喺數分鐘內發射。而睇鹹片對於男士亦有正面影響，因為有40受訪男士%稱佢哋喺正常交歡當中持久力達到滿意水平，另外有39%話睇鹹片之後持久力增強，對交歡時表現亦更有自信。不過，亦有6%受訪者表示養成睇鹹片習慣之後高潮好似冇咁過癮。
撰文：賢