每年年尾又係總結工作得失成就嘅時候，只係每次聽到總結呢兩個字，個心都會有「乸」住嘅感覺。無計，發咗達就話開心，都未發達總結嚟做乜呢？不如好似班日本玩家咁，齊齊去風俗店參加忘年會好過。唔知咩叫忘年會？一陣就話畀大家知。
男人去到夜場，好多平日唔會講粗口嘅人都會噏多幾句，唔係話個人粗鄙，而係呢啲地方係減壓勝地，講多幾句既可減壓，又可以拉近男人之間嘅距離。不過如果係囡囡講粗口呢？雖然令人感覺不爽，但都冇辦法，唔通唔畀人講咩。據內地色情業者稱，深圳一間高檔夜總會，最近管理層對囡囡下指令唔畀講粗口，否則要罰錢。雖然呢位業界人士冇講到會罰幾多錢，但係相信金額應該可以起到阻嚇嘅作用，否則咪得啖笑？推出呢個指令嘅原因一啲都唔難明，理由係爆粗囡囡會影響高貴嘅夜總會形象。話說回來，如果講英文粗口又得唔得？仲有日文、韓文呢？最重要係有冇人會指證囡囡講粗口先！
早前講過越南囡囡嘅供應愈嚟愈多，面對同鄉嘅競爭，單憑東南亞風情係未夠競爭力，喺咁嘅情況下，越南女郎點樣先至可以吸引玩家捧自己場呢？方法相當簡單，就係以巨乳取勝！須知道男人都係用下體思考嘅生物，每當見到巨乳，總係會蠢蠢欲動，因此位於桃園中壢區嘅色情按摩館，就以號稱店內越南女郎個個都擁有「D罩杯以上」作為賣點，吸引玩家以900元新台幣（約225港元）嘅價錢享受半套服務。大家咪以為只係噱頭，事實上店內嘅越南女郎又真係擁有驕人嘅上圍，最紅嘅一位係33歲阮姓越南女郎，憑住一對F罩杯車頭燈，所營造出嚟嘅超級事業線，令每位上去玩樂嘅玩家，都被佢嗰條深溝所吸引，最重要係佢深明包裝之術，每次入房都會換上一套性感薄紗睡衣，若隱若現嘅魔力，試問有邊位玩家唔心動？雖然佢身材火辣，又有技術，但佢聲稱每次提供服務後，只有600元新台幣（約150港元）落袋，實際收入比做純按摩嘅按摩館仲要少。
每年年尾日本會有唔少以公司名義或私人性質舉辦「忘年會」，所謂忘年會即係我哋所講嘅尾禡。日本人對呢種忘年會睇得好重要，皆因佢唔單止總結一年嘅工作成績，更係社交嘅重要活動。須知道日本公司好講輩分，而喺忘年會上不論高層定中層都會玩成一片，而低層呢？低層通常都係自己玩。不過忘年會同風俗店又有乜嘢關係呢？原來日本有部分風俗店推出與玩家同樂嘅忘年會！好似呢間喺埼玉縣、千葉縣、栃木縣、福島縣、靜岡縣同愛知縣都設有分店嘅出張風俗店「人妻教室」咁，每年年尾都會舉辦忘年會，唔同地方嘅分店，都會喺特定嘅日子喺某間居酒屋舉辦忘年會，而玩家只需要預訂，就可以同埋一班「志同道合」嘅玩家一齊玩樂。如果幾個玩家想圍威喂又得唔得呢？可以，先同風俗店聯絡，對方就會安排風俗孃到玩家指定地點。至於佢嘅玩法其實好多人都估到，就係由一班風俗孃陪玩家唱歌、跳舞同飲酒，跟住各自各返酒店享受服務。今年呢間風俗店更推出一個人嘅忘年會，即係玩家一對一同風俗孃玩樂，只係講氣氛，梗係多啲人玩至開心啦！
撰文：魂