係男人都希望自己喺床上威風八面，專家就教授大家一招提肛運動可以加強快感，仲可以延長持久力。有調查發現，日本有唔少女性曾經拍過AV，就算冇亦做過風俗孃。一夜情唔係個個都玩得起，咁男女要認識幾耐先會發生關係呢？
男女不平等喺好多範疇上都可以睇得到，例如同女仔食飯，男人畀錢就天公地道，如果女仔畀錢，旁人見到一定會指罵男方冇出色，甚至話男方係軟飯王，而女仔本人即使表面上若無其事，心入面亦會暗罵男方冇風度又孤寒，下次咪使旨意再一齊食飯。另一方面就係做愛喇！理論上，女仔一晚可以做無限咁多次，但係男士呢？一晚梅開二度、三度，對唔少人嚟講都相當有難度啦！最近，英國新聞資訊網站Daily Star就表示男士們如果想延長「發射時間」，甚或乎想來個連續高潮，可以嘗試練習一下提肛運動，可以強健恥骨肌，即係俗稱嘅PC肌，可以令流向小弟弟嘅血液流量增加，同時練習控制「發射」意欲，仲可以加強交歡時所感受到嘅快感添！如果修煉有成，發射完之後小弟弟亦能夠保持一定硬度，高潮浪接浪呀。
早前日本金融網站Money Voice表示，2009年同2014年嘅日本AV女優片酬有咩分別，而最大分別就係關西地區女優片酬由30萬日圓下降到15萬日圓。之不過，雖然片酬大縮水，但係都仲有好多女仔下海，原因除咗拍AV可以搵快錢，亦因為愈來愈多女仔發覺拍AV可以作為加入藝能界嘅捷徑。除咗拍AV嘅女仔愈益增加，下海做風俗孃嘅女仔亦有唔少喎！早前一個日本網站訪問咗670名成年女性，問及佢哋做風俗孃嘅意向，發現91%受訪者表示冇做過亦冇興趣下海，但係就有3%表示過去曾經做過風俗孃，亦有1.5%正在從事風俗事業。至於眾受訪者嘅90後女仔當中，有5.3%正在做風俗孃、4.5%曾經做過，更加有近1成表示有興趣投身呢個行業，原因係認為做風俗孃可以搵錢又可以做愛，一石二鳥喎！
相信好多男士都希望可以享受一夜情，之不過一夜情唔係人人都玩得起，萬一畀對方糾纏住，又或者畀伴侶發現，搞出三角關係就手尾長喇！所以男士們若然遇到呢種機會，千萬千萬要三思而後行，以免貪一時之快而後悔呀！咁唔玩一夜情，想喺正常男女關係當中享受到床上歡樂，又要等幾多個夜先得呢？最近，日本網站「Menjoy!」就進行過相關調查，訪問咗539位成年女性，以了解佢哋與男友由相識到上床用咗幾多時間。排第三係大約三個月，當中有女仔表示用三個月至足夠去了解清楚一個男仔，然後至肯同對方上床。第二位係大約六個月，有女仔話半年時間除咗係認識對方，亦畀自己有時間諗清楚係咪真係咁鍾意個男仔。第一位就係一個月內完成相識到上床嘅階段喇！有受訪女仔話打鐵要趁熱，怕拖太耐，未上床已經分手。
撰文：賢