早前同大家報道過日本AV界最大型頒獎典禮「AV OPEN 2016」嘅得獎結果，大贏家係新紮波后高橋聖子以及其東家AV廠Moodyz，而頒獎禮當日亦係日本成人博覽（JAE）嘅舉行之日，聖子當然有現身，而其他有份出席嘅女優玩得更加瘋狂，依家帶大家去睇睇當日嘅現場實況啦！
剛過去嘅11月11日，對於小弟呢條萬年光棍嚟講別具意義，因為當日乃係日本AV界最大型盛事日本成人博覽（JAE）舉行嘅日子，於展覽館「DIFFER有明」內雲集全日本AV界眾多極具人氣嘅女優，佢哋除咗參與AV界最強頒獎典禮「AV OPEN 2016」之外，亦為咗同各界AV迷見面，而AV OPEN其實只係JAE其中一個環節，班女優以及AV廠商會於場館當中開攝影會、握手會，以及走到舞台上進行各種精彩表演娛樂大家。提到出席JAE嘅女優陣容就真係精彩喇！有天后級嘅波多野結衣、Julia、彩美旬果等等，仲有DMM成人放送大獎2016嘅最優秀女優大櫬響以及人氣王三上悠亞，可以話係天后盡出！
JAE好似我哋去甚麼美食博覽一樣，場內開設一個又一個嘅攤位，而大部分攤位都係由日本AV界各大小AV廠開設，由所屬嘅女優喺攤位擺賣AV碟以及一系列周邊產品，好似MAX-A搵來「麻美由真接班人」長瀨麻美、春宮涼、彩乃奈奈推銷限定福袋，每個30,000日圓，成二千幾蚊港紙喎！咁貴呀！唔貴喇！因為福袋內各有一套由三位女優着過嘅Cosplay服，以及一套內衣或水着，驚套衫係全新濫竽充數？唔怕！因為附送埋一張由女優穿着套衫嘅相片以作證明。提到MAX-A，廠方派出旗下女優，同姊妹廠Alice Japan嘅女優上演舞台大對決！前者由長瀨麻美領軍，帶同彩乃奈奈、森草莓、秋吉花音組成白組，後者由川上奈奈美領軍帶同春宮涼、白咲柚子以及赤根葵組成紅組。兩隊成員換上學園運動衫，又賽跑又蒙眼估物件，而蒙咗眼嘅女優被人用震棒係咁摩擦，睇到人人熱血沸騰，最後由紅組勝出。
兩廠女優施展渾身解數比併娛樂大家，而代表av-event.jp嘅大槻響以及三上悠亞亦有上台表演，仲着得相當性感，露晒事業線又露小蠻腰同玉腿，喺台上又唱又跳，青春魅力逼人又夠養眼，難怪觀眾們都拍爛手掌。另外，KMP專屬女子組合Million Girls Z亦有上台表演，不過成員星美梨香、友田彩也香以及佐倉絆都係穿着大家見慣見熟嘅黑色一件頭套裝登場，新鮮感欠奉，幸好落力表演依然贏得掌聲。講到最精彩就要數到Prestige喇！P廠近期嘅專屬陣容回復強勢，派出一姐彩美旬果、長谷川瑠衣、園田美櫻、水稀美里、波木遙以及夏希南6位女優上陣，於舞台上表演即場換衫，同時舉行選舉，由台下三位評審選出兩名換衫換得最誘人嘅女優，最後由彩美旬果以及水稀美里勝出，各獲得10萬日圓獎金。
撰文：賢