脫星冇你份，男優又做唔成，想加入四仔界仲有乜途徑？不如學拍四仔做攝影師或導演啦！的確，依家有部手機就可以拍片掟上網，人人都可以自導自演兼可賺錢，但細佬講緊嘅係拍攝專業四仔，喺全球發售，年底仲有機會提名各個四仔頒獎禮，成為獨當一面嘅色情大師，想學？跟Holly Randall咪得囉！
Holly Randall你都唔識？抵你睇少咁多四仔啦！咁又難怪嘅，四仔迷睇四仔幾時都唔留意導演，之但係Holly Randall嘅出品，其實你唔需要刻意都會留意到，因為佢嘅風格令人深刻，夠認真、夠唯美，最緊要係夠「假」！假都係賣點？係（口架）！皆因佢可以將一啲完全唔起眼嘅脫星，變成令人眼前一亮嘅索女，目前只得佢一人做到，呢啲咪功力囉！唔好理真假係對定錯，睇四仔本來純為娛樂，既然Holly Randall有咁嘅本事，畀佢呃一劑都冇蝕底啫！況且四仔界有位咁瞓身嘅女導演，先可以平衡一下重口味喪爆嘅四仔。
講咗咁耐，究竟Holly Randall係乜水？佢入行17年，裸模出身，佢阿媽Suze Randall係知名裸模攝影師，所以阿妹投身色情界可謂理所當然。佢同過Playboy、Hustler及Penthouse等大公司合作，仲有個人製作室，幫囡囡拍寫真兼四仔，於2014及2016年捧走XBIZ Awards for Adult Site of the Year獎項，係行內數一數二嘅知名女導演，如果大家有留意，呢一兩年Adult Empire及Digital Playground舉辦嘅乜乜脫星比賽，得獎嘅脫星可以成為Holly Randall執導嘅四仔女主角，可想而知阿妹喺江湖地位有幾猛！
係咪明星效應由巴打自行決定，但細佬就留意到，Holly Randall嘅出品「負皮」近乎零，佢嘅風格唯美到有些少偏離現實，囡囡唔索，但出嚟感覺都救番晒，總之就正啦！咁正，即係大把人Like啦，咁識搵食嘅Holly Randall又點會錯過機會，早前佢以個人名義開班授徒，有志嘅男女可以付費參加，課程叫「Building The Shot」，所有課程內容都由佢安排，包括人物及拍攝方式，而且只限Softcore拍攝，絕不會有任何男女身體接觸，另外學員要自備專業相機，自費租用酒店，及包晒現場人員飲食費用，聽落好似好甘，不過Holly話你可以同幾個人夾份租間房，分擔雜費，之但係學費都係按人頭收費，事關上堂時都係Holly姐一對一教授。學員當然賣花讚花香，大讚Holly Randall專業、為人又Nice，但聽埋個價錢，兩日一夜學費要1,400美元一位，即係約10,920港元，有得影冇得砌，係咪好甘呢？
撰文：祖