早前發表咗新一輪薪酬調整預測，預計來年打工仔嘅人工普遍會有3.5%嘅升幅，雖然上升幅度唔高，不過我相信打工仔都唔會話太不滿，話晒全球經濟環境仲係充滿好多不明朗因素，經濟始終都唔算係太好，有得加人工點都好過凍薪，甚至減薪啦！之不過，日本AV界嘅女優就持續凍薪，來自關東嘅專屬女優片酬更加出現大幅下降添！
基於小弟欣賞日本AV多年，又對此略知皮毛，身邊好多朋友都會問小弟唔少有關日本AV嘅問題，常見嘅當然係問到近期邊位女優當紅、邊個新人值得追捧啦！亦有人會問中出場面係真定假，而最多人問我點解班女優咁索會淪落到喺鏡頭面前剝光豬兼且要同男優激戰。另外，有一個問題相信好多人都會關心，就係女優拍一部AV到底有幾多片酬？要了解呢個問題，先要了解日本女優有東西之別，唔係話日本AV女優分為東方人同西方人，而係業界會將來自日本國內關東同關西地區嘅女優分開。業界一般認為來自關東，即係東京、神奈川等地嘅女優各方面質素都較為優秀，關西地區如大阪、京都、神戶則次之，故關東女優嘅片酬比關西女優都會高少少，至於高幾多呢？根據日本金融資訊網站「Money Voice」透露，以單體女優，即係AV廠嘅專屬女優為例，喺2009年關東單體女優嘅片酬高達150萬日圓。至於關西單體女優嘅片酬就差一大截，只有100萬日圓。
「Money Voice」嘅資料與時並進，佢哋已經統計埋2014年嘅女優片酬，咁5年之後女優們嘅人工又有咩大變化呢？關西單體女優就冇變，但係關東單體女優嘅片酬就少咗50萬日圓，同關西一樣得100萬日圓！另一方面，企劃單體女優，即係有名氣以自由身發展嘅女優，以關東女優極品美熟女篠田步美為例，片酬就上升咗1倍，由2009年嘅15萬日圓升到2014年嘅30萬日圓，但係關西企劃單體女優如波多野結衣、AIKA則由2009年嘅30萬日圓跌到2014年嘅5至15萬日圓，所以大家不難發現近年結衣嘅AV作品產量如此多，睇嚟都係因為片酬漸漸下降，需要密食當三番喇！
關東關西單體同企劃女優片酬喺2009年至2014年期間變動如此之大，但係素人女優方面無論東定西都冇變，咁多年來片酬平均都係得5萬日圓，即係3千幾蚊港紙，咁就可以令一個女仔剝光豬拍AV，咁都仲想降低片酬的話，真係敢問一句—人性何在！另一方面，消息當中亦揭露埋拍四仔嘅平均價，由2009年嘅60萬日圓大幅下降到2014年嘅5萬日圓！嘩！片酬跌咁多，唔怪得近年好多兄弟都話冇乜四仔好睇，同一時間又話鬧出四仔界女優荒啦！講番拍一般AV，即係有格嘅三仔片，點解片酬普遍有下調趨勢都仲有咁多囡囡投身呢一行呢？Money Voice嘅分析話近年其實好多年輕女仔都夢想成為偶像，而從AV演出上取得成功以及爭取知名度乃係最佳捷徑。另一方面，唔少女優已經唔單止係靠拍AV賺片酬搵食，開攝影會、推出周邊產品，甚至經營「副業」亦一樣可以令收入增加。基於上述兩個原因加上日本消費市道唔係咁好，AV業界梗係唔會加人工，同時亦認為人工再降低都唔使愁冇新人入行。
專屬單體女優：
2009年 150萬日圓
2014年 100萬日圓
企劃單體女優：
2009年 15萬日圓
2014年 30萬日圓
專屬單體女優：
2009年 100萬日圓
2014年 100萬日圓
企劃單體女優：
2009年 30萬日圓
2014年 5~15萬日圓
素人女優片酬：
2009年~2014年 5萬日圓
四仔女優片酬：
2009年 60萬日圓
2014年 5萬日圓
撰文：賢