邊個話地獄嘅鬼怪好恐怖？先唔講哈囉喂啲人扮嘩鬼玩得幾咁開心，傳統形容女人性感都會話魔鬼般誘人。原來喺情慾字海中，亦有唔少情色俚語同地獄及Hell有關，連美國四仔和日本AV唔少精彩作品，都同地獄扯上關係。呢啲係咪叫做「牡丹花下死，做鬼也風流」呢？
《Hellraiser》係一套1987年英國嘅超自然恐怖電影，當年呢套電影嘅惡魔，係咁追殺片中嘅主角，佢衍生嘅情慾俚語主要有兩個意思。第一種係指一啲揸住架車周圍溝女同曳曳嘅無業游民，佢哋經過一夜情後卻死纏住對方，搞到對方頭都大埋，情況就好似冤鬼追魂咁。第二種係指派對中見到女人就死「舌累」嘅男人。佢哋唔會理對方有幾討厭自己，只會死跟對方到底，由於呢種「二仔底」本性，所以慢慢用咗Hellraiser嚟形容呢種人。例句：「I'll never forget that little hellraiser!」可解作我永遠唔會忘記嗰個冤鬼一樣嘅人！
男人有雄風又如何？如果冇得曳曳嘅話，就算你床上有幾勁都冇用！冇得曳曳嘅原因有好多，如果因為啱啱做完手術，要瞓喺床上休養而被禁慾嘅話，英文俚語會叫做「Hell'sexbed」。例句：「I'm tied to hell'sexbed for three weeks after this surgery.」（做完手術後，我要瞓喺床度禁慾三星期。）因為手術而冇得曳曳固然係慘，如果直頭硬唔起嘅話，呢啲就叫做不舉。不過喺呢個世界中，有啲雄性動物係唔會有不舉嘅情況，理由係佢哋嘅陰莖中有一條陰莖骨。除咗我哋熟悉嘅犬隻有陰莖骨外，好似浣熊、鯨魚、海豚等都有，而喺多種靈長類動物，如雄性大猩猩同黑猩猩身上同樣有呢條骨。有研究指其實人類男性以前都有呢條骨，只係隨住進化而慢慢消失，否則今時今日，男人應該唔會有不舉問題。
講到歐美嘅地獄級愉虐四仔，呢套喺2000年由英國超人氣脫星Tanya Hyde自監、自導兼自演嘅作品《Hell, Whores and High heels》可說是經典。作為紅遍歐美四仔界嘅頂級愉虐天后，Tanya喺呢套作品加入大量愉虐元素，以超激嘅女王道具，不但令有份參演嘅一眾男女脫星，好似Anita Black、Layla Jade、Tony De Sergio、Robert Rosenberg等高潮迭起，好此道嘅四仔迷亦體驗到前所未有嘅官能刺激！縱然呢套作品幾乎零劇情，仍然深受歐美四仔迷熱捧，並且喺2001年第18屆AVN頒獎禮中，令Tanya榮獲最佳海外導演嘅殊榮。事實上，Tanya嘅導演功力確實非同凡響，事關佢喺2014年第31屆AVN頒獎禮中，憑住另一套四仔《The House of Sin》再次獲得最佳海外導演獎。
日本有唔少冠以「地獄」二字嘅四仔系列，只係呢啲地獄級作品大多重口味，如果講到拍得有美感兼好睇，由日本AV片廠PREMIUM推出嘅《美人OL癡漢地獄》系列，絕對唔可以錯過。呢個喺2010年開始嘅系列，以當時超人氣AV女優吉崎直緒打響頭炮，跟住再由小西那奈喺2011年演出系列續作，成功推高地獄系列嘅人氣。呢個系列特別嘅地方，除咗鍾意搵當時得令嘅AV女優主演外，更以日本電車作為故事背景，以體現電車癡漢嘅精髓。講開2006年3月成立嘅PREMIUM製作公司，其實佢隸屬日本AV巨擘北都集團旗下，主要業務係開發單體女優，故此搵親嚟演出嘅女優都有一定知名度。
撰文：魂