行屍走慾假期幾時到？

情色俚語：Sex Zombie 性愛喪屍

用中文直譯「Sex Zombie」嘅話，可解做性愛喪屍。不過乜嘢叫做性愛喪屍呢？咁就要從喪屍嘅特性嚟睇。所謂喪屍，特點係無意識兼只按本能行動。性愛喪屍就有呢啲特點，而被人稱為性愛喪屍嘅人，不但會百分百服從對方嘅指令，並且會迎合對方要求，某程度嚟講係一種性愛玩法。英文俚語中仲有個「Zombie Sex」，佢嘅意思同「Sex Zombie」唔同，係指性愛中嘅男女雙方，同時好似喪屍咁，陷入忘我嘅性愛激情當中，大家千祈唔好將兩者混淆。

玩樂辭典：Zombie Style 瘋狂叫床

如果男人遇着「Zombie Style」嘅女人，可能會倍感興奮，只係如果鄰居係個「Zombie Style」嘅女人，可能會感到相當氣憤，因為「Zombie Style」係指床上興奮時，會瘋狂叫床嘅女性。例句：「Me and my wife had some wild sex last night, it was totally zombie style!」老實講，呢種叫床聲對好多人嚟講，又真係幾難頂。好似英國有位22歲嘅女子Gemma Wale，佢喺伯明翰（Birmingham）薄有名氣，皆因佢嘅叫床聲相當擾民，曾喺2013同2015年因叫床聲問題被鄰居投訴，結果被判監兩個星期。出獄後搬到Bordesley Green居住，再次因叫床聲被控擾民，結果被罰200英鎊（約1,900港元），兼唔可以同受影響嘅鄰居接觸。

美國四仔系列：《Beyond Fxxked - A Zombie Odyssey》變種鹹濕

雖然有唔少人鍾意睇喪屍片，但人屍交鋒嘅四仔，有人話唔使睇都知道好重口味。不過大家唔好先入為主，呢套由美國四仔片廠Smash Pictures喺2013年推出嘅《Beyond Fxxked - A Zombie Odyssey》，由美國四仔導演Tommy Pistol執導，並且搵嚟Bonnie Rotten擔綱演出，喺2014年AVN頒獎禮中獲得最佳劇本、最佳化妝同最佳美術指導嘅提名，從呢點就知呢套四仔絕對係誠意之作。故事講述因為一種減肥藥嘅副作用，令絕大部分人類變晒做喪屍，而喺呢個末世地球中，僅有少數男性有純淨嘅精華。為咗令人類文明得以延續，一群博士搵嚟由Bonnie飾演嘅賞金獵人，從世界各地進行精華回收工作，只係佢所面對敵人並非饑渴嘅男人，而係變種鹹濕喪屍！

日本AV系列：舞咲美都 演出喪味

如果話女仔個樣似喪屍，點睇都知佢係一個貶義詞，但如果話日本AV女優舞咲美都似喪屍嘅話，卻係指佢演技相當出色！佢喺1991年9月2日喺日本兵庫縣出生，並於2012年以AV片廠IdeaPocket專屬女優身份出道，出道作《FIRST IMPRESSION 56》以一對33G吊鐘巨乳，成功吸引一眾AV迷目光，自此以後佢經常以巨乳美少女身份示人。不過喺2014年6月，佢突然嚟個破格演出，接下名為《SEX OF THE DEAD 巨乳喪屍女》嘅AV作品，片中嘅佢要化身成血肉模糊兼爛面喪屍，同人類曳曳精戰連場。雖然諗起都覺得重口味，但唔少AV迷讚佢表情同肢體動作都好有喪屍味，有興趣嘅話不妨搵嚟睇吓。

撰文：魂