好多男仔認穴神準，每次床戰都可以搵出女方嘅敏感點，之但係切忌搶攻，做足前戲先係最重要。有調查發現男女嘅高潮體會係大有分別，究竟有咩唔同呢？避孕丸只係女士服用，但將來可能會有男士避孕丸面世。
最近同一個相識十數年嘅女友人食飯，雖然我對佢情有獨鍾，但係佢上年已經嫁咗人。既是相逢恨晚，亦慨嘆造物弄人，小弟當然死咗條心，只係間唔中約佢出嚟見個面就算啦！席間女友人飲咗兩杯，就話我知佢老公上到床冇厘情趣，完全唔識得愛撫同錫錫，一埋牙就抽送，有時會令佢大感疼痛，同小弟我認真無得比喎！前戲的確係相當重要，較早前喺英國就有呢方面嘅專家列出三大男士床上錯誤，其中兩點就係缺乏前戲！第一點係一埋牙就抽送，咁樣好大機會觸碰到女方嘅子宮頸因而引致痛楚。其實呢點可以避免，只要做足前戲，女方飽受快感衝擊時，子宮會往體內收縮約2至3吋，咁就冇咁容易被擊中。男士知道女人嘅陰蒂相當敏感，於是一嚟就針對陰蒂猛攻，咁又係錯晒！陰蒂的確非常敏感，但唔做前戲，一下子就嚟個猛攻會令佢哋唔舒服，效果適得其反。最後係意外地敲到後門喇！好多男士鍾意玩後進式，但係唔小心入錯門口，一來會令女方認為你技術唔到家，二來又覺得你唔衞生，印象扣晒分！
男同女嘅床上需要係大有分別，例如女人要浪漫，希望男方唔好一上床就採取猛攻，至於男士則無所謂，女伴動作快慢都唔重要，最重要係痛快一洩！情趣用品品牌Lovehoney早前訪問咗,750位成年男女，從中亦可以睇到男與女嘅需要確係有一段差距。逾半女士表示要達到高潮，男方嘅技巧相當重要，但係就只有37%嘅男士認為女方嘅技巧重要。另外，女方嘅高潮感覺平均會維持10.9秒，而男方則只有8.7秒。至於面對與伴侶發生初次性行為，只有21%女方期望會得到高潮，相反男方就有64%，咁又係，如果達唔到高潮，男人連上床嘅興趣都冇啦！雖然男女對高潮嘅意見有咁大分別，但係兩者都有一個共通之處，就係透過交合引發性高潮喇！87%女性以及84%男性表示能夠透過抽送而達到高潮。
世界好多地方都宣揚男女平等訊息，之不過由於生理構造不同，其實又真係好難真正做到男女平等，例如避孕！女士可以服避孕藥，但係男人除咗使用避孕套又或者直接去做結紮手術之外，好難搵到其他有效避孕方法。不過，女士們唔使投訴，因為好快就會有男人服用嘅避孕藥面世喇！大家都知道男士排出嘅精子形狀好似蝌蚪咁，有頭亦有一條長長嘅尾巴，個頭包含男方嘅遺傳基因，而條尾就係用嚟游動於液體當中，幫助精子尋找卵子結合，從而孕育小生命。最近，英國有科學家諗出一個避孕方法，正正就係針對精子呢種活動方式喇！呢位John Howl教授研發新嘅避孕藥，令男人嘅精子失去游水能力，游唔到去搵卵子，咁咪可以避孕囉！據悉，呢款避孕藥最早會喺2022年推出市面，到時男士們就有多個避孕方法選擇喇！
撰文：賢