現今日本AV界有唔少號稱大學生嘅AV女優，不過講到元祖大學生下海拍AV，就係喺上世紀90年代初出道嘅朝岡實嶺，當時佢以大學畢業生身份加入AV界，成為一時熱話，更開創高學歷女優嘅先河。
自上世紀80年代初日本推出首套土產AV以嚟，AV女優大多係低學歷出身，及至朝岡實嶺喺1991年出道及推出處女作《PANDORA》後，將呢種觀念扭轉。朝岡實嶺樣子可愛，身材嬌小玲瓏，外形相當吸引，最重要係佢擁有大學學歷，畢業於東京國際大學，喺學歷上冠絕當時嘅AV女優，打破社會對AV女優低學歷嘅印象，因而引起一時熱話。實嶺表示，有日佢喺東京街頭遇到星探，對方游說佢拍攝泳衣寫真，當影完之後，對方就話：「你乜嘢都畀人睇清光，咁樣唔拍AV都唔得啦！」佢返屋企考慮過後，決定豁出去下海拍AV，從此展開AV女優生涯！
為咗身份保密，佢對演出有相當多嘅要求，首先個人資料除咗出生地係真之外，包括出生日期全部都係虛假，其次演出時唔可以真槍實幹，亦嚴禁男優顏面發射，因為佢覺得呢種做法好污糟。由於當時佢係AV界首位正宗大學畢業生關係，故此經理人公司全部答應。
從現今AV迷嘅角度嚟睇，床戲造假又冇口舌場面，咁嘅演出不如唔好睇，但係憑住大學畢業生嘅身份加上出眾嘅外形，同埋精湛嘅騎術，令佢紅遍AV界。點解佢嘅騎術咁好呢？原來佢自細係運動健將，精通網球、壘球同籃球，更係學校社團嘅主將，從而練出強勁嘅大腿肌肉。有次演出時，連男優都忍唔住問佢點解會騎得咁勁！另外，由於佢喺演出時經常喊嘅關係，故此獲得「愛哭鬼實嶺」嘅花名。
隨住知名度提升，佢嘅演出唔再局限於AV，獲得日本著名導演伊丹十三賞識，喺1992年演出電影《民暴之女》，之後亦經常參與演出伊丹嘅電影。其後佢進軍電視界，喺1993年擔正演出《夢占卜之館》，同年演出嘅《高校教師》更令佢成功入屋。面對眼前成功轉型嘅契機，於是佢作出一個重要嘅決定，就係演出最後一套AV作品《實嶺LAST FXXX》後，宣布引退，而呢套告別作亦係佢絕無僅有嘅中出片。離開AV界後，佢喺1994年同一間豆腐店嘅老闆結婚，並積極拍電視劇，至今仍持續喺電影及電視劇中演出要角。
撰文：魂