最近成人視頻網站經過統計之後，發現愈來愈多人鍾意睇暢遊後花園影片，估計鍾意玩呢科嘅男女漸漸增加。網上交友已經形成一種趨勢，不過根據調查發現呢種交友方法最令人失望。樂極生悲，好多時快樂令人忘記危機，一陣就同大家講吓幾單駭人聽聞嘅交歡意外。
小弟平時好鍾意上AV銷售網瀏覽，而瀏覽時一定會先搵吓有冇女優嚟個後門初解禁！點解？小弟唔係對呢種玩法情有獨鍾，而係後門解禁喺AV界被視為終極一擊，好多女優畀男優們來個二穴中出之後就會火速引退，呢啲咁難得嘅解禁作品梗係要留為紀念啦。最近成人視頻網站「Pornhub」進行搜查數字統計，發現2009年至2015年期間，搜查暢遊後花園影片嘅次數激增78%！至於用戶方面，18至24歲嘅群組搜尋後花園片嘅比率少咗33%，25至44歲群組則增加咗30%。Pornhub發言人表示，根據過往嘅調查顯示愈多人搜尋嘅影片，就愈多人學習當中嘅床上玩法，故可以從上述數據睇得出暢遊後花園可能會成為熱潮。至於點解25至44歲群組特別鍾意呢種玩意亦相當容易理解，因為呢個年紀通常都已經有番咁上下性經驗，試得多正常交歡，梗係要搵新玩意嚟增加趣味啦！
小弟近期因為溝唔到女神，更被對方冷淡對待，飽受情傷而終日傻傻戇戇。好多兄弟都話我癩蛤蟆想食天鵝肉當然注定失敗，又話男人要拎得起放得低，溝唔到呢個咪溝第二個囉！你估真係話咁易咩！佢哋叫我不如試吓約女網友出街，睇吓有冇機會搵到女朋友，本身我都有咁嘅意思，但係睇完日本呢個調查之後就唔敢喇。早前日本網站「健康美人」利用電話訪問咗506位成年男女，睇吓佢哋覺得邊種溝仔溝女方法最令人失望，結果排第二、三、四位嘅分別係透過朋友介紹、街頭見面即溝以及喺居酒屋或酒吧結識異性。至於第一位係喺約會網站溝仔溝女，因為對方嘅真人同網上提供嘅照片相差甚遠，亦有人表示好多人都係鍵盤戰士，發文字訊息就暢所欲言，但係面對面傾談則變得無話題兼口窒窒，印象分即時大打折扣。
一百歲唔死都有新聞聽，世界真係千奇百趣乜人都有，早前台灣有個中年男人套上不銹鋼情趣環，點知樂極生悲，因套得太緊，需要送院除環。其實除咗呢單意外，仲有好多令人啼笑皆非，甚至令人嚇一跳嘅床上意外事故！早前英國新聞網站「Daily Star」舉出多個相關例子，例如當地一名女教師同男友玩小型震棒玩得太投入，震棒愈推愈入，最後要入醫院搵醫生拎番出嚟。新加坡有名男士駕車外遊，行車期間在旁嘅女方彎低身幫佢提供口舌服務，點知唔小心同前面架貨車相撞，女友嚇到咬斷咗男友一截下陰，諗起都赤赤痛！又有外國男子忽發奇想，用石屎漿灌到女伴後門，最後導致女伴嘅直腸嚴重受傷！仲有一對外國男女食完勁辣咖喱之後上床纏綿，當女方享受完男方嘅口舌服務之後發覺陰部火辣辣，送院後證實陰部灼傷！
撰文：賢