日本有唔少主打人妻風味嘅風俗店，以住家Feel作招徠，等玩家有種賓至如歸嘅感覺。原來呢個並非日本風俗店嘅專利，台灣亦有色情場所，以住家Feel嘅炮房吸引玩家捧場。若然唔想有愛回家感覺嘅話，內地有餐廳暗中提供色情服務，好讓客人飽暖思淫慾！
以前聽前輩講，內地嘅色情場所真係乜都有，只要想玩，總會有間喺左近，不知幾方便。講到方便，又點都唔及得上位於甘肅蘭州皋蘭縣嘅餐廳。餐廳有乜好玩？答案係有女玩。話說餐廳兩位姓楊及姓李嘅老闆，眼見餐廳生意唔好，於是諗計點樣可以搵錢。絞盡腦汁後，佢哋發現餐廳嘅後院有棟建築物，可以改裝成色情場所。經商議後，佢哋租咗棟建築物，喺二樓開設架步，等玩家可以即揀即食。由於玩家要到後院搵女，先要經過餐廳，故此可以為色情架步提供掩護。玩家美其名去餐廳食嘢，其實係去後院食女。呢種做法好似好穩陣，點知最後都係被人舉報而揭發。最後兩人被控以多次容留並介紹他人賣淫罪而被起訴，結果被判處兩年有期徒刑，同時被罰款5,000元人民幣。
夜總會宣傳海報上嘅囡囡，係唔可能喺夜總會中搵到，呢個係玩家嘅常識。不過台灣玩家原來唔明，話說高雄有間開業不久嘅色情養生館，為咗吸引玩家捧場，喺手機社交App嘅群組中上載大量爆乳相，更影埋館內布置有家居Feel嘅炮房，仲提供免費飲品。既有巨乳囡囡招呼，環境又舒適兼免費有嘢飲，玩家表示呢種服務超貼心，難怪養生館一開業，即吸引眾多玩家上去捧場。不過玩家入到場後，卻發現囡囡同照片中嘅女郎有極大差別，玩家指相片中嘅囡囡個個皮膚又白又滑，但場中嘅囡囡卻皮膚黝黑兼粗糙，最重要係心口冇睇頭，同照片中嘅巨乳女差好遠，因此令佢哋好失望兼怨聲載道。其實相片中人同真人唔同，唔單止香港係咁，唔少日本風俗店嘅風俗孃喺官網上嘅相片亦經過大量PS，只係呢班台灣玩家太天真！
每次睇人妻題材嘅日本AV，總會見到女優真空着圍裙，然後同男優激戰一番，每當見到呢個場面，AV迷嘅原始衝動就被引爆。為咗滿足男士對真空圍裙嘅幻想，位於池袋嘅出張風俗店「Mrs 治療院」，就以呢種玩法作為賣點。可能有人會奇怪，其實日本有唔少呢類玩圍裙嘅風俗店，呢間又有乜嘢咁特別呢？店內嘅風俗孃年齡由25歲後生女至40歲熟女都有，佢哋會化身成人妻，為玩家提供激真嘅住家體驗。不過玩家先要做少少麻煩嘅動作，就係預約風俗孃嘅同時，仲要喺風俗店提供指定酒店中，揀選去邊間酒店。風俗孃收到「柯打」後就先去到酒店作準備，當玩家按門鐘後，已換好真空圍裙裝嘅風俗孃就會開門，然後會問玩家：「沖涼定係食飯？」沖涼即刻曳曳，只係食飯，係咪真係有得食先？梗係冇啦！因為風俗孃都會叫玩家去沖涼先，如果想真係有飯食又得唔得呢？得！加錢就乜都得，至於食乜嘢就由風俗孃話事。
撰文：魂