政治同色情息息相關？政界人物爆得最多係性醜聞，而事後鹹網就最多呢類搜尋，雖然你未必認同，但好多美國四仔迷都咁諗。話說老特涉侮辱女性言論被公開後，據悉支持度大跌，相反女同四仔銷量及瀏覽量急升，有網友話因為呢位候選人刺激到女人嘅神經，因此要證明佢哋擔得起半邊天，咁啱得咁蹺，女同紅人Brandi Love嘅女同四仔選舉又出爐，邊個得益，唔使問啦！
Brandi Love呢個名，只要你有睇過MILF嘅四仔都一定見過，夠膽講句，近年Brandi姐出現次數比Lisa Ann、Julia Ann及Kendra Lust等知名熟女仲要多，唔係因為Brandi個樣特別索，而係佢識宣傳，幾乎每個禮拜都有新聞見街，配合埋有話題性嘅四仔作品，令人氣有升冇跌。Brandi對四仔事業目標清晰明確，每一步都諗過度過，有今日成績，唔係靠運氣或食到個潮流而得嚟（口架）！
講真，43歲嘅Brandi熟到透，10年前以中女之齡加入脫星界，論樣貌、架生同年紀真係無人睇好。上年佢喺訪問中講番入行經過，話當時喺外界一片睇淡下入行，但佢冇放棄，更定下目標並一一達成，唔似得其他姊妹咁急功近利，少少成績就轉型開公司、做導演，周身刀冇張利，反之Brandi堅持做好熟女脫星本分，結果到今日，人人都記得佢係最Hot嘅MILF脫星。
Brandi姐唔介意被定型做人妻、熟女同怨婦，而且落力又投入做好角色，男女四仔迷都好Buy佢，近年企穩熟女行列後，佢先開始追求個人主義，舊年同黑人大戰，同時與所有合作過嘅片廠保持良好關係，難怪長拍長有！
假如成功方程式係靠勤力，咁Brandi肯定冇得輸啦！睇番同期姊妹稍為有啲名氣就玩錫身，甚至轉戰幕後做導演，或開經理人公司，但Brandi完全不為所動。唔係要抬舉呢位熟女，細佬喺上年已經話佢好有霸氣，話說當時有傳佢完成手頭上嘅片約後就退下火線，不過Brandi一句都冇回應過，直到再有消息話佢跟女同大廠Sweetheart簽獨家合約，Brandi先出嚟回應話唔會退休，即是話傳聞嘅嘢阿姐答都費事。而佢同台前幕後工作人員合作愉快，仲同好多老闆傾緊大Project，包括Kelly Madision都睇起佢，搵佢擔正四仔新作。另一方面自Sweetheart整咗個《Love》系列畀Brandi姐親自「揀女」落場磨，合作嘅脫星有老有嫩，包括Abigail Mac、Dani Daniels及Kate England等等，床上床下都由阿姐話晒事，好威（口架）！
因為市場反應太好，早前Sweetheart為《Love》系列搞咗個選舉，由網民投票選出當中磨得最精彩四強作品，原以為做勢宣傳活動吹吓就算，發展至今，真係好多巴打投票，而四強已誕生，官方決定嚟多個「高潮」，喺四隻碟再選出精中之精，粉絲們快啲去Twitter投票喇！坦白講，Brandi姐喺呢四部四仔都係做主角，邊一部作品勝出，佢都係大贏家啦！
撰文：祖