成日都聽政府話要喺多個方面超英趕美，最近有針對英國人性福嘅調查，當局不妨將之與港人作對比，睇吓點樣提升港人嘅性福好過啦！揸車唔可以分心，之不過喺印尼一班駕車人士就因為掛住睇A而分心喇！女伴嘅身材直接影響男人嘅性慾，而面對伴侶變肥，日本男士會有咩反應呢？
雖然我哋香港已經回歸祖國，可以港人治港，高度自治就快20年，但係英國對我哋港人仲有相當大影響。而作為世界上嘅最發達國家之一，英國亦成為好多國家追趕、學習嘅對象，不難發現「超英趕美」此話經常掛喺好多領導人嘅口邊。不過，話時話，喺性福方面大家都應該向英國學習一下喇！早前英國一個網站收集咗唔少有關當地人生活習慣嘅數據，顯示出英國人一生平均用咗20.8年喺睡眠、自拍2,689次。喺情愛方面，會墮入愛河6.5次、擁有8個情人，一生人當中做愛5,778次！有專家表示，假如一生人當中有50年有能力做愛，即係話英人每年做愛百幾次，平均3日做一次，係屬於相當有性福！喺呢方面，我相信港人未可以達到如此水平，有關當局喺解決房屋問題、經濟問題嘅同時，麻煩亦要為改善港人嘅性福而努力喇！
成日都聽好多老人家話科技發達，雖然為人類帶來方便，但係亦帶來唔少麻煩！好似小弟咁，送部智能手機畀母親大人，方便佢可以上網睇戲、睇新聞以及玩吓手機遊戲，咁我就有更多私人時間喇！可惜呢個如意算盤卻打唔響，因為母親大人遇到有操作上嘅問題就會係咁煩住我！而喺印尼一條公路上嘅廣告螢光幕又係因為科技問題而出醜，仲差啲搞到發生交通意外！事發喺10月初，印尼一座大廈嘅外牆廣告螢光幕竟然播放日本AV，喺公路上揸緊車嘅司機們清楚睇到AV內容而不禁一驚，幸好班司機駕駛技巧了得至冇釀成交通意外。事後有人認為一定係控制室嘅職員睇AV時按錯掣，搞到畫面駁咗去外面嘅螢光幕所致；另外有日本網民表示高興，因為咁樣證明日本AV已經成功衝向國際，而且畫面仲相當清晰，值得細味喎！
所謂夫妻本是同林鳥，大難臨頭各自飛，其實現代人嘅男女關係亦相當脆弱，女友知道你努力半世人都買唔起樓，好快就會跟佬走。不過，我又唔會一面倒咁只係識得話女仔嘅，因為男人其實都係差不多，一旦發現女伴嘅外表走樣，好快就會變心！早前一個日本街頭訪問，搵來491位當地成年男士，問及佢哋如果發現女伴身體變得肥胖，仲會唔會有性慾？結果係大部分都表示有負面影響，甚至唔想做愛！咁佢哋會點樣處理女伴變肥嘅問題呢？最多人答話直截了當叫對方減肥，其次係唔講出口，但係心入面會覺得討厭，第三位係話唔想再見到佢！嘩！乜佢哋咁o架，女伴肥咗就即係唔鍾意人，好衰囉！小弟我本身都好食得肥，被人拋棄嘅女仔不妨投向我嘅懷抱！
撰文：賢