正所謂男人不壞，女人不愛，其實男人又何嘗唔會對壞女人着迷呢！當然唔係要一個本性善良嘅人變壞去傷害對方，而係喺行為上帶點曳曳，增加生活樂趣，同時增添閨房樂趣！今日介紹畀大家嘅情色工具書就教大家點樣變壞喇！
移民外地嘅親友多年不見，回港探親必定會帶來豐富嘅手信，同樣日本寫真女郎相隔多年後推出寫真集，亦會向大家送大禮，就係嚟個大解放，將演出性感程度大大提高，以慰大家多年來嘅相思之苦，就好似大川藍咁。
23歲嘅大川藍眼大有神又精靈，而且電力十足，望住佢雙眼一陣都會被電暈，佢仲擁有一副被稱為「究極曲線美」嘅誘人胴體，身材纖巧婀娜之餘，上圍有一對純天然F奶，視覺誘惑無以上之。相隔6年半，最近大川藍推出寫真集《iamai》，為隆重其事，阿妹特別飛到去景色優美嘅夏威夷毛伊島取景，換上性感三點式於海灘拋波玩水，仲嚟個上身半裸示人，只用玉手遮住兩點，將最性感、最天然嘅一面滿足大家嘅視覺神經。另外，大川藍流露一派醺醉神態，展現出更成熟、更叛逆嘅一面。
書名：《iamai》
售價：約HK$161
對於好多男女嚟講，性愛係無得學亦唔使學，一埋位就無師自通，高潮總有嘅，之但係鑊鑊都係咁，Happy極有限啦，想進步，即睇呢本專為夫妻性關係而著作嘅《Sex and Marriage: How to Guide for Sex, Passion and Desire for Married Couples》，記住睇之前要同伴侶單聲，否則佢會懷疑你出軌。雖然本書專為夫妻而設，但其實有親密關係嘅男女都好啱睇，首先書中指出人性嘅陰暗面，尤其係性幻想方面，而陰暗面總係唔想畀人發現，結果愈積愈深，惟有收收埋埋搵地方解決，亦因為無法喺正常渠道宣洩，間接影響夫妻關係。如果你都有同感，呢本書就教曉你「鹹濕」同「淫蕩」係無罪，亦都唔使怕醜，只要係真心愛你嘅伴侶，絕對有權適時淫一劑，之不過當然唔可以話嚟就嚟，夫妻通常有仔有女，事前必須安排一下，例如等仔女瞓咗，或租酒店爆房，到埋位時就千祈唔好講規矩，男或女盡可能擺脫日常生活嘅角色，主動提問伴侶嘅性幻想，當聽到答案就即刻做，藉此培養狂野一面，咁當然唔係話走後門，甚至愉虐都來者不拒，其實係有技巧引導伴侶去得更盡，想知？買本睇吓啦！
書名：《Sex and Marriage: How to Guide for Sex, Passion and Desire for Married Couples》
售價：約HK$78
想成為男人眼中嘅床上女神，單憑外形同身材只會引起佢哋一時興趣，長久下去最重要係靠誘人手段。不過講就容易，實際應該點做，就要參考呢本書《不乖性愛惹人愛》。作者陳羿茨係一位性學家，精於以唔同領域嘅方法，為男女提供心理諮商、性治療、婚姻治療等專業意見。喺書中，佢開宗明義指出「女人太乖，男人不愛！」佢認為一啲都唔乖嘅女人，可以令女性同男伴之間嘅性愛變得更甜蜜，而喺性愛過程中，少許嘅挑逗，更能令男士高潮迭起。作者從事性教育多年，深知女性對性愛充滿各種疑問，卻又唔知點樣搵到正確嘅答案，包括點解男人鍾意女伴吹奏一曲、男人點解一味亂衝亂撞、點解老公嘅生理需要愈嚟愈少等，喺書中都可以得到專業又深入嘅答案。不論作為深入研究，定係輕鬆讀物，都可以滿足大家嘅需要。
書名：《不乖性愛惹人愛》
售價：約HK$68
撰文：賢、祖、魂