邊個夠佢紅？邊個夠佢勁？到底邊個咁紅又咁勁呢？佢咪就係人氣與日俱增，已經躍身成為日本AV界天后級女優嘅三上悠亞囉！悠亞人靚波正，AV演出又夠晒出色，粉絲之眾可以話喺當今AV界名列前茅！早前，三上悠亞隆重又盛大咁開咗個生日會同過百名粉絲見面，即刻同大家睇睇當日嘅盛況！
小弟在此向大家道個歉，順便再賠個禮，原因係小弟遲咗！我又唔係女人，有事「遲到咗」有乜咁緊要需要道歉呢？是咁的，小弟今日至為大家報道日本AV界新紮天后三上悠亞嘅生日會實況畀大家睇！而呢個生日會查實已經喺8月16日上演，所以要道歉！在此小弟又要戴定個頭盔先，事關遲到其實係官方太遲將相關照片發布，同我懶散無關！講番三上悠亞嘅生日會，當日係呢位人氣爆燈嘅AV天后26歲生日，雖然係星期一，同時亦係盂蘭節（日本人都會關注呢個節日），但係一班對悠亞相當支持又傾心嘅熱血粉絲一樣工都唔返，鬼節亦冇有怕，湧去參加生日會同偶像見面。
據悉當日同悠亞齊齊慶祝生日嘅粉絲本來有100個，而佢哋全部都係事前於指定AV碟舖頭，幫襯買咗金額超過15,000日圓（約1,100港元）嘅悠亞AV碟，至換得入場門票。而呢100張門票火速換領，大會再加推多10張亦瞬間被粉絲瘋搶。當日嘅生日會由中午12點開始，一直玩到晚上8點鐘，一班粉絲對足悠亞幾個鐘頭，一定心滿意足喇！而咁多個鐘頭入面，悠亞絕無欺場，一出場就施展渾身解數，喺舞台上勁歌熱舞一番！見悠亞又唱又跳功架十足，果然不愧為人氣美少女團體SKE48前成員！表演過後，悠亞換上性感泳裝畀粉絲影前影後影波罅，接住又有悠亞嘅私物抽獎，送出自己嘅私人物品畀粉絲，當中包括悠亞小時候影嘅相片，雖然唔算珍貴，但係相當有紀念價值。
悠亞仲有好多互動環節同粉絲玩，例如抽出幾位幸運粉絲一齊玩扭扭樂，呢幾位粉絲能夠同偶像近距離接觸，相信佢哋呢一世都唔會忘記喇！另外，悠亞亦為粉絲帶嚟嘅AV碟作親筆簽名以及合照，可以話有求必應。生日會後段仲嚟多個問答環節，一班粉絲喺入場時將想問悠亞嘅「敏感問題」放入收集箱，到呢個環節就由司儀喺台上即場詢問悠亞，其中一條問題係問悠亞左右兩邊乳房，哪一邊比較敏感，悠亞聽到之後不禁失笑，但係好快就答左邊比較敏感，仲話左邊乳房皮膚較薄，成日摸的話好快會變紅添！之後，悠亞就上演咗一次深情告白，話一直以來好多謝大家嘅支持，仲表示當初被人踢出SKB48嘅一段日子相當失落，而下海拍AV之後無論喺工作上以及支持者當中都得到好大嘅鼓勵，全靠大家至可以有今日嘅三上悠亞！講講吓，仲感動到淚流滿面，叔叔錫番先！
撰文：賢