「不論年齡，唯才是用。」係政府嘅一段宣傳片口號，個人認為喺任何職業界別當中都適用，即使係日本寫真界亦一樣！因為好多寫真女郎年屆30多歲都保養得貌美嬌艷，流露出嘅女人味更係後生女不能相比，好似剛踏入31歲嘅山崎真實，誘惑魅力比以前更加強烈喇！
拍寫真要吸引，其實唔一定要擁有激凸上圍，事實上好多被喻為出色嘅女優，其上圍唔見得特別有睇頭，好似戶田惠梨香，以及有「二奶菜」之稱嘅葉月里緒菜咁，上圍都只不過係「iPAD」胸。至於今日為大家介紹嘅山崎真實上圍大佢哋少少，尺碼有33C，而拍寫真時展現出嘅魅力亦能夠同佢哋並駕齊驅！
山崎真實呢個名，我細細個就聽過喇！最近佢再度活躍起嚟，可以見到其5呎8吋高挑身材，雖然冇以前咁豐滿，纖巧咗好多，變成一個略帶骨感嘅美人。提到美態，真實嘅美貌亦有所改變，以前係甜美又帶陽光感覺，家陣就充滿成熟韻味，兼且泛起一份溫柔婉約嘅病態美來，感覺惹人憐愛。
真實身材咁好，相信係同佢4歲開始學習體操有關。而真實體操技術一絕，就讀高中二年級嘅時候，曾經成為國民體育大會嘅大阪代表隊成員之一，實力自不待言。據悉，原本真實可以再進一步向國際體操舞台發展，但佢喺2004年選擇參加選美比賽「Miss Magazine」，雖然最後輸咗，只獲得特別獎，但備受賞識成功進身演藝圈發展。除咗拍寫真集之外，其健康嘅形象亦得電視台欣賞，2005年為教育節目《從100個單詞開始吧！英語會話》擔任主持。另一方面，真實自參演特攝電視劇《轟轟戰隊》，飾演奸角風之靜香之後，成為特攝電視劇嘅常客。
真實喺演藝圈發展如意，不過係2012年因為同藝能事務所續約方面出問題，令發展有少少阻礙，但係好快就解決到。最近，真實相隔4年再拍泳衣拍寫真，展露一番成熟美態，佢表示今年踏入31歲，希望可以重新出發，除咗主力拍劇，仲會投入更多時間拍寫真，我第一個舉手贊成啦！
簡介：山崎真實最近喺Twitter上發表好多有關拍攝水着寫真嘅消息，睇嚟真實的確係要再次向寫真界全力進軍喎！
網址：https://twitter.com/yamasakimami920?lang=ja
年齡：31歲
身高：5呎8吋
三圍：33C-24-34
撰文：賢