人總係貪心嘅，得一就會想二，上得床又要牽被冚，呢個正係人類嘅天性！睇書方面，大家都希望喺一本書當中學懂所有知識，不過咁又唔難辦到，今日介紹嘅一本情色讀物以漫畫形式講解性知識，仲有AV天后波多野結衣施展渾身解數演出嘅寫真集，認真包羅萬「誘」，一次過滿足大家多個願望同慾望！
好多成功人士贏得掌聲嘅同時亦有人非議，所謂各有前因莫羨人，非議者相信都係唔了解就妒忌成功人士居多。人哋之所以成功，背後一定下過好多苦功、花過好多時間而得來，即使堪稱當世絕色，站在日本AV界頂峰嘅波多野結衣亦都一樣。2008年出道嘅結衣拍AV已經8年，而小弟一直都有留意其表現，發覺結衣出道以來工作未停過，就算2014年奪得Sky PerfecTV成人放送大賞嘅女優獎，再成為2014年DMM女優銷量冠軍，至今仍然不斷努力演出，每部作品都將其E Cup好身材以及上乘床技全數奉獻。結衣除咗保持高產量之外，仲游走大中華地區出騷搵錢，令人不得不佩服其精力旺盛。不過，結衣表示過拍攝AV嘅背後有唔少辛酸事，當然亦有開心嘅時候，如果大家想了解結衣嘅內心世界，就要欣賞佢最新寫真集《君といた夏》喇！當中結衣以誘人身段，加上眼淚及笑容，將呢幾年拍AV嘅心路歷程演繹出嚟，大家睇完之後一定會覺得結衣呢位天后確係活得精彩！
書名：《君といた夏》
售價：約HK$289
性總唔能夠單靠把口講，講完你明，但唔去實踐一樣無用！所以坊間推出幾多本性書都好，落到讀者手上最終都係變成垃圾，而今日介紹呢本書好大機會大家睇完之後掟埋一邊就算，之不過假如你有認真睇過，一定會令你刻骨銘心、一生難忘！《The Naughty Girl's Sex Journal: Take A Ride On Your Wild Side》係專為壞女人而寫嘅性書，放心唔係誘導姊妹變成淫娃蕩婦，純粹係透過極端嘅思想去刺激你大腦多啲性幻想，同時接受每一個男人係鹹濕嘅動物，唔好以為另一半係「聖人」，把口唔講鹹嘢，平日唔睇四仔就以為冇性需要，其實佢只係收收埋埋，或者係尊重你，但亦好大機會係怕咗你，若然係後者姊妹們就大鑊喇，事關當男人驚咗你，可以肯定兩人嘅性生活唔美滿。呢本書入面有好多針對女人床事嘅性愛金句，用嚟警惕姊妹咪再重複犯錯，雖然全部都係英文，但簡單易明，尤其係有過正常性生活嘅一睇就明，好似有固定男伴嘅女士，總當床戰係一項煩瑣事，喺床上思想及動作都採取被動，叫得大聲啲，換多兩個體位就以為自己係「性愛冠軍」，令男伴冧到痹。其實呢啲所謂「配合」係床上最基本禮儀，你做到，後生你廿年嘅女仔都做到。記住話明係性愛，性行先、愛排後，單靠愛可以令男人撐幾耐，你自己諗喇！
書名：《The Naughty Girl's Sex Journal: Take A Ride On Your Wild Side》
售價：約HK$78
可能係因為文化唔同關係，我哋總會從嚴肅嘅角度去睇性愛呢個問題，其實每樣事都可以從唔同嘅角度去睇，話唔定畀到大家與別不同嘅觀感。由台灣創作人馮光遠夥拍漫畫家蔡虫聯手炮製嘅漫畫作品《家庭性辭典全輯》，從幽默搞笑嘅角度，將性愛變成一種惹笑得嚟又帶教育性嘅娛樂。馮光遠嘅來頭一啲都唔小，曾任電影《囍宴》編劇、《中國時報》副總編輯、金石堂書店行銷創意總監等，擅於以嬉笑怒罵方法剖析唔同問題嘅佢，呢次同漫畫家蔡虫合作，以性愛作為創意核心，創作出呢個帶有黃味嘅漫畫。當年呢個漫畫喺雜誌上刊登時相當受歡迎，家陣將曾經刊載嘅超過300個漫畫結合成書，利用同「性」呢個字有關嘅詞語，如性質、性愛等，並加入創意帶嚟新嘅意思。因為內容不乏露骨場面同對白，所以作品被列做成人級漫畫，如果想輕輕鬆鬆去睇性嘅話，呢本絕對係娛樂性十足嘅作品。
書名：《家庭性辭典全輯》
售價：約HK$75
撰文：賢、祖、魂