鮮嫩清純魅力無窮

日本寫真界新人不斷湧現,幸好嘅係舊人天生麗質又保養有道,唔怕新人衝擊。而新人除咗擁有新鮮感十足又清純嘅面孔,胴體亦鮮嫩無比,散發出嘅青春魅力,往往令男人睇到精神大振,就好似今日為大家介紹嘅兩位寫真界新面孔咁。

熊江琉唯 雪白九頭身

日本寫真界近年出現唔少長身尤物,好似高挑又好波嘅染谷有香身高接近6呎,喺寫真界可謂鶴立雞群,猶如漆黑中嘅螢火蟲一樣,咁鮮明,咁出眾。不過,染谷有香面孔一派冷艷,甜美程度不足,唔似得另一位長身美少女熊江琉唯咁得人鍾意。21歲嘅熊江琉唯出生於中國四川,由於佢識中文,經常上電視節目教授中文。不過,我哋男人就唔理得佢識唔識字,最緊要係外表吸引,而呢方面熊江琉唯就完全冇問題喇!阿妹佢青春甜美,笑容迷人,胴體鮮嫩又雪白,更擁有極品「九頭身」比例身段,即係頭同身材比例為1:9,可想而知幾咁高挑!

大家想欣賞琉唯呢副高挑又鮮嫩嘅胴體,咁就要睇佢最新嘅寫真映像作品《るい色予報》喇!喺作品當中,琉唯會一展所「長」,換上三點式之外,亦會着上校服配短裙以及充滿中國特色嘅旗袍登場,展露一雙修長美腿及圓潤兼具彈性嘅誘人靚股,滋味悠長,正呀!

碟名:《るい色予報》

收錄時間:80分鐘

售價:約HK$308

平嶋夏海 桃子誘惑

日本樂壇最具人氣嘅美少女團體AKB48,一班成員除咗青春活潑、活力逼人之外,每個都樣子甜美,當中更加有唔少身材驕人,好似小嶋陽菜、倉持明日香都相當好波,經常拍攝水着寫真大騷誘人身段。除咗佢哋之外,亦有一位AKB48成員擁有逼爆身材,佢就係平嶋夏海喇!夏海妹妹面上一派稚氣,驟眼望去絕對唔會覺得佢今年已經24歲,樣子甜美得嚟,氣質天真無邪,充滿健康陽光感覺。而佢嘅「桃形」身材更係人見人愛,上圍有一對E Cup水蜜桃,圓潤彈手又堅挺嘅靚股亦係屬於桃子形,吸引力十足,難怪佢能夠從芸芸成員當中得到寫真界賞識喇!

《桃夏》係夏海最新嘅寫真映像作品,從封面睇到佢會喺演出當中以其桃形靚股誘惑大家嘅視覺,而阿妹心口兩個水蜜桃亦會大解放,佢換上少布又性感嘅比堅尼,令一對桃乳表露無遺,配埋甜到漏嘅笑容,睇到觀眾甜入心呀!

碟名:《桃夏》

收錄時間:90分鐘

售價:約HK$308

撰文:賢