想喺床上令女伴感到滿足，專家話唔需要超強持久力同技巧，只需要喺完事之後攬一攬對方就得喇！男人背住女友偷食嘅情況相當普遍，唔知佢哋又因乜理由偷食呢？正所謂年紀大機械壞，但係一個日本調查顯示當地嘅中老年人依然有心有力。
有句潮語叫做「中出即飛」，意思即係話男人溝到女上床，唔做足安全措拖，享受完無拘無束嘅性愛之後即刻飛咗個女仔。個人認為咁做簡直係禽獸行為，完全唔顧及女方嘅心理同生理感受，實在唔要得。之不過，就算唔係「中出即飛」，好多男人喺完事之後亦唔會顧及女方感受，只顧自己蒙頭大睡。加拿大嘅性資訊及教育中心表示，如果做完愛之後，男方攬一攬女方，可以將對方嘅性快感提高3成之多！而性資訊及教育中心亦同一個T字頭安全套品牌聯手進行調查，發現受訪嘅2,400名成年人當中，有53%受訪男士完全唔會做呢個攬一攬嘅動作。咁要攬幾耐至可以達到最佳效果呢？有71%受訪女士話攬6至10分鐘會覺得最愉快及最舒服，各位男士下次想令女伴滿足，記得攬一攬對方喇！
早前小弟得知夢中女神搭上咗有婦之夫，搞到我心情低落、痛不欲生！點解女神寧願做人哋嘅小三，都唔揀做我嘅正印呀？喺呢件事上面，我當然不值女神咁樣傷害自己，亦唔應該破壞人哋嘅家庭，但係作為男人嘅我又冇怪過嗰個有婦之夫喎！將心比心，有咁索嘅飛來蜢真係冇理由拒絕啫！而除咗呢個理由之外，男人出軌嘅理由又係乜呢？日本網站「Menjoy!」早前訪問咗500名成年男士，問佢哋為咩原因而出軌，結果排第三位係頂唔順伴侶一開口就講是非，成個八婆咁又真係令男人覺得好煩嘅；第二位係女方成日講大話，有受訪男士表示女方根本唔忠誠，所以佢哋亦唔會對女方忠誠，經常去偷食；第一位係接受唔到女方性格急躁，每次有爭拗女伴都會表現得歇斯底里及行為不理智，咁男方自然會覺得女方不可理喻，去偷食都冇所謂啦！
家陣好多人都深曉養生之道，為咗促進健康，積極做運動，亦會注意飲食。是以，有唔少調查都顯示香港人嘅壽命愈來愈長。不過，亦因為香港人愈來愈長壽，安老問題亦愈益嚴峻。當然我哋除咗要照顧到老人家嘅衣食住行，亦應該關注埋佢哋嘅心理健康，大家不妨花多少少時間問候以及陪伴家中長者，令佢哋感受到關愛。而喺人均壽命都好長嘅日本，最近有T字頭情趣用品品牌訪問咗600名中老年人，以了解一下佢哋嘅性生活狀態，調查結果發現50來歲嘅男士當中，過半數依然保持住適當性愛次數，至於60來歲嘅男性方面，亦有2成受訪者繼續有做愛，睇嚟佢哋真係老當益壯喎！唔怪得近年有咁多老頭系AV男優投入市場啦！
文：賢