渡邊里美來自巨乳星

古時遇到能力超乎常人嘅人物會稱做「仙人」,而家陣則會稱佢哋為「外星人」,好似渡邊里美呢位上圍大得交關嘅寫真美少女,日本寫真界就稱佢來自巨乳星。然而,無論阿妹嚟自邊度,佢都會為大家嘅眼福而努力。

童顏爆乳

提到日本寫真界最受歡迎嘅女優類型,相信一定係童顏爆乳型,掌門人篠崎愛可愛之餘,仲有一對足以橫掃寫真界嘅極品G奶,人氣自出道以來一直高企。不過,愛妹近年唔想再靠對波搵食,轉型做歌手,實行以歌會知音,當然大家都係覺得佢以波會友好啲啦!繼愛妹之後,就出現咗一個新任乳神柳瀨早紀,佢胸前對40吋I Cup爆乳大到好似排球咁,令大家更覺一山還有一山高,一波還有一波大嘅道理。不過,早紀亦唔係可以打橫行,因為今年又出現一個同Cup嘅妹妹仔,佢就係渡邊里美喇!

20歲嘅渡邊里美比柳瀨早紀更年輕,面上氣質亦更天真可愛,帶有一種小動物系女優嘅感覺,惹人憐惜!里美身材相當豐滿,幸好嘅係肉感十足之餘唔算過盛,更重要嘅係其40I超級大肉彈夠晒搶眼,即使生得較細粒,腰肢較粗,大家亦唔介意,因為雙眼焦點只會落在爆乳之上。

若隱若現

里美於今年3月出道,推出嘅首部寫真映像作品《美少女Revolution/BAGUS》取得理想成績,足見呢位超Cup新人有幾強勁。里美震撼人心嘅I Cup上圍吸睛力超強,因而被稱為來自外星嘅巨乳星人。唔少人認為里美擁有可愛面孔以及激凸上圍,絕對有資格成為繼篠崎愛之後嘅童顏爆乳掌門人,亦有人將里美同乳神柳瀨早紀比較,不過最多人希望里美、篠崎愛及柳瀨早紀結成寫真界爆乳三強組合喇。小弟就覺得里美好快會跑出,原因係佢嘅演出風格解禁得相當快,喺第二部寫真作品就嚟個透點誘惑,兩顆車厘子若隱若現!睇嚟好快就會拍埋全裸作品,甚至大有機會轉投AV界,快過篠崎愛同柳瀨早紀做AV女優。

社交網站

簡介:渡邊里美經常喺Twitter分享自拍性感照,大家Click上去一定會見到波濤「胸」湧,想養眼以及提起精神就記住多多瀏覽喇。

網址:https://twitter.com/watanabe_satomi

渡邊里美Profile

年齡:20歲

身高:5呎

三圍:40I-26-37

撰文:賢