「論武功，俗世中不知邊個高！」喺日本寫真界想知道囡囡功夫嘅高低一啲都唔難，從佢哋嘅人氣就可知一二，若然出道十幾年仍保持人氣高企，咁肯定係高手，站喺寫真界嘅頂峰啦！就好似杉杏原璃同川村由紀惠呢兩位寫真天后無論喺心、體、技三方面都堪稱一絕啦！
喺小弟心目中有兩位日本寫真女神，一位係今野杏南，另一個就係杉原杏璃喇！提到杉原杏璃，真係不得不叫大家佩服，於2003年出道嘅杏璃，當時一塊包包臉叫人慘不忍睹，身材亦唔見得「凸」出，之不過隨歲月過去，杏璃愈變愈靚，身材亦愈變愈激凸，家陣年屆34歲，面孔美艷之餘，仲保持住一份萌味，同當年嘅星野亞希一樣。杏璃同亞希相似嘅仲有身材，杏璃腰幼胸大，上圍嘅36G巨型肉彈大而堅挺，配埋纖薄嘅胴體更見「凸」出，堪稱一代波神！
寫真映像作品《ANRI DVD》就係杏璃嘅最新之作，收錄杏璃早前去到毛伊島拍攝寫真集《ANRI》嘅過程。當中見到杏璃喺陽光之下性感登場，大玩蕩奶胸夾，誘人技巧一絕！此外嚟個水喉噴身，睇住水柱朝住G奶及面部射過去，相當過癮！杏璃仲會上演車廂脫衣，動作搞到架車震震哋，帶來另一番遐想，誘惑之極！
碟 名：《ANRI DVD》
收錄時間：101分鐘
售 價：約HK$315
鑽石需要經過多番切割、打磨至可以變成一粒閃閃發光嘅珍貴寶石，其實寫真女郎亦係一樣，需要經過一段日子浸淫至可以散發出獨特韻味，繼而喺寫真演出當中綻放光芒，川村由紀惠就係好例子喇。由紀惠同杉原杏璃一樣，出道年份都係2003年，但係起步比杏璃順利得多，因為由紀惠生得標致艷麗，一副34F-23-35身材火辣誘人，更重要嘅係當時有童顏巨乳嘅磯山沙也加打響名堂，而由紀惠同沙也加生得好似兩姊妹，令佢出道時備受注目。不過當由紀惠嘅寫真事業正在起飛嘅時候，阿妹因為與事務所出現合約問題，有一段日子唔能夠演出。幸好，由紀惠終於再同大家見面，身材依然弗爆，美貌仲添多幾分姊系韻味。
喺最新寫真映像作品《心のままに》當中，由紀惠將一直收藏於內心嘅興奮釋放，可見阿妹佢笑吟吟唔似得以往咁面帶憂愁，魅力更濃，再加上佢擺每一個姿勢都咁迷人，仲大玩裸背誘惑，令作品可謂渾然天成，無出其右！
碟 名：《心のままに》
收錄時間：90分鐘
售 價：約HK$315
撰文：賢