好多男仔都嫌女伴唔夠主動，好似唔想上床咁，其實女仔都係怕醜唔敢開口提出啫，有調查顯示女性最想每周上床三次。線上遊戲係好多遊戲公司嘅主要收入來源，最近有項線上遊戲搵來100個美少女上街宣傳，場面壯觀又誘人！男人上床都唔多鍾意做足安全措施，而喺日本堅持用套嘅男人卻相當多，點解呢？
喺性事方面，男士態度進取，女士則羞於啟齒，就算有需要都唔會主動開口提出，即使示意亦只會用性暗示，能否解讀當中含意，滿足到女方嘅需要就要睇吓男方天資是否聰敏喇！然而，到底做幾多次至合佢哋嘅心意呢？大家可以參考以下呢個調查結果，由外國生殖健康機構訪問咗500位成年女性，以了解佢哋對上床次數嘅要求以及會否得到高潮，有75%受訪女性表示最理想嘅做愛次數係每周三次，有13%則話每周六次至能夠滿足到佢哋，嘩！「胃口」會唔會大咗啲呀？佢哋要求上床次數咁頻密，咁做起上嚟又係咪真係感到開心先？有39%受訪者表示每次上床都能夠達到至少一次高潮，有10%更表示每次上床都會獲得多次高潮，睇嚟佢哋嘅性生活都幾愉快喎！
線上遊戲愈來愈多人玩，亦成為好多遊戲生產商嘅收入來源，為咗令旗下嘅遊戲受到注目，增加玩家數量，喺宣傳時生產商可謂大灑金錢。最近有一間遊戲生產商嘅宣傳手法認真夠睇頭，可惜好快就收檔 。話說早前上海田子坊突然出現100個作日本學生妹打扮嘅美少女為一款線上遊戲宣傳，佢哋全部都青春貌美，短裙下露出一對白滑美腿，瞬間引起民眾圍觀，本來應該可以為遊戲大大宣傳，增加人氣，然而，咁大棚人出現梗係引起有關當局注意啦！立即出手驅散人群，於是上百位美少女出巡嘅誘人場面好快就消失咗喇。
師傅成日教我，冇嘢比自己條命仔更重要，所以出外玩千祈唔好人出酒你出命，溝到女亦唔好同對方玩危險玩意，上床更加唔好貪一時之快而唔做足安全措施。師傅嘅教誨，做徒弟嘅我一直牢牢記住，因為此乃師傅嘅經驗之談，如果當日唔係冇用套，今日佢就唔使養住咁多條化骨龍喇。而喺日本進行嘅一個調查就顯示，受訪嘅500名成年男人當中，只有9.8%表示上床時唔會用安全套，其餘嘅男士都願意用套。至於點解佢哋咁堅持用套呢？有25.8%受訪男士話唔希望貪一時之快而傷害到女方，日本男人真係好體貼！而有15.2%則表示冇諗過同對方結婚，所以唔想對方懷孕，另外有13.2%就話根本唔想做爸爸，所以一定要用套。
撰文：賢