VR！VR！VR！開口埋口都係虛擬實境（Virtual Reality，VR），未玩過嘅唔夠潮兼冇話題，連成人娛樂都係VR天下，今屆「亞洲成人博覽」更係VR玩晒，仲喺度鬥重口味、鬥多花臣情趣玩具，Out啦！
係人都話香港搞嘅「亞洲成人博覽」冇嘢睇，但係點都好，今年已經踏入第四屆喇！之前幾屆只集中喺性玩具咁梗係冇嘢睇啦！但今年VR熱潮殺到，情況就唔同晒喇，吸引好多！
VR Porn（虛擬實境色情）係乜？簡單講，即係一個VR眼罩，配合電動J杯嚟一齊玩，感覺就好似同真人砌咁爽！除咗男人有福，連女人都受惠，都係戴個VR眼罩，配合一支專用震棒，就可以體驗立體自摸快感喇！現場所見，唔使審亦唔使拗，肯肯定係VR贏晒，其他來自五湖四海嘅矽膠公仔、震蛋、J杯等真係企埋一邊囉！點解VR咁Hit，都係嗰句：「土地問題啦！」除咗因為VR係潮流，香港居住環境連人都冇位瞓，點會放得落個1：1矽膠公仔呢？加上全球都追住VR技術發展，一個眼罩可以打機，又可以打J，一雞兩味，正！
查實早兩屆經已有VR參展商「插旗」，但當時畫質太差，技術又未到家，所以Hit唔起，直到舊年本地一間「B」字頭嘅公司「殺入」製作高畫質VR成人色情動漫，吸引好多港男留意成人VR市場，今屆佢哋再接再厲，但唔玩動漫，而係巴打平日J開嘅AV女優，係咪未開波先興奮呢？
呢間公司同各地片廠合作開拍「互動VR色情」，推出「互動式」虛擬實境色情玩法，透過飛機杯控制女優動作快慢，玩家郁得愈快，畫面中嘅囡囡郁得愈激烈，仲要係無段變速添！就現場「手指」測試，女優動作確實會隨住J杯移動速度增加或減速。公司營運總監Enzo表示：「現時有三位AV女優及三位歐美脫星嘅色情片，每段片長約30分鐘，喺年底會推出超過百段片，唔係，應該係過百位知名女優及脫星四仔先啱！」各位J友買定J杯喇！至於眼罩及J杯於今年年底推出，售價約2,000蚊有找。
若怕屋企人發現J杯，唔使驚，可以選用VR手帶，內置感應器，原理同J杯一樣，當你雙手郁動時，會傳送數據控制囡囡動作快慢，嘩！咁去到邊都可以玩啦！
另一間「V」字頭公司第一次參展，佢哋主打係有主動式及被動式VR，主動式用於成人遊戲市場，當用家玩J杯時，杯內有感應器收集玩家數據，例如當用家急速喪J時，數據會傳送到電腦，令遊戲人物作出相對反應，即係你快佢又快；至於被動式「靈魂」喺晒個電動J杯度，當畫面中嘅囡囡郁得快，J杯伸縮速度亦會提升。
至於內地代表都唔弱，推出零人手控制VR技術，只要頭部擰左擰右，就可以改變囡囡動作或服飾，等雙手可以專心拎住J杯玩，而目前只得動畫版。日本方面又點呢？今屆只得一間公司TMA嚟「踢館」，佢即係巴打玩開嘅TAMATOYS J杯大廠囉。TMA向來主打動漫Cosplay AV，女優北川瞳及仁科百華都係常客，不過今次唔係推出J杯，而係製作VR三仔，但反應一般，相信係技術唔夠猛啦！
自認守舊尚未接受到新科技嘅巴打，會場內都有嘢啱你，識玩一定玩矽膠公仔，唔止尺寸做到1：1真人大小，關節位仲可以任屈任伸，上圍Cup數更勁過真人添！當中有個K Cup乳神，每邊咪咪重達5kg，畀佢打中頭都咪話唔暈得一陣陣呀！手感方面，充滿彈性，摸過之後返唔到轉頭呀！
另一間EXDOLL公司，產品暢銷歐美中日，成立3年以來售出3,000多個矽膠公仔，公仔比例根據Model設計，無得挑剔，同時採用醫療級矽膠製造，手感彈性強之餘，絕對唔會有陣「膠味」，巴閉之處係公仔由頭到腳都可以因應客人要求而訂製，例如頭髮顏色、眼睛大小及膚色等，可謂獨一無二。
撰文：祖
攝影：陳世昌