內地嘅網絡服務真係發展得好快，當中嘅服務種類更係走得相當前，好似最近就出現咗一種專門用嚟「租人」嘅網絡平台，之不過卻被人利用作為搵囡囡嘅渠道，為咗賺錢，色情業界人士可謂無所不用其極。
所謂租人平台，大家千祈唔好諗歪隔籬，皆因佢嘅出現係為咗方便僱主招聘一啲短期工作而設嘅平台，例如搵人幫手為牆身掃漆油、幫手賣幾日衫等，對於一啲想搵短期工人嘅僱主嚟講相當方便，而應租人與出租人之間嘅資料，亦可透過呢個平台互相核實。一個咁方便嘅平台，點解一開始就叫大家唔好諗歪呢？皆因呢類平台推出冇耐，就已經被唔少色情業者入侵，雖然佢哋冇講明係玩一夜情、曳曳或提供任何色情服務，但憑佢哋嘅照片同埋語帶曖昧嘅留言，就已經Feel到當中嘅「色」氣。究竟呢類平台會否被淨化，定係成為其中一種搵女嘅渠道？呢個就要睇有關方面嘅動作喇！
不論喺台灣定內地，只要喺店舖內掛單搵食嘅囡囡，每接一個客人所收取嘅肉金，都要按一定嘅百分比同店家對拆，而台灣嘅應召站通常跟囡囡以七三或六四分帳。喺桃園一間由邸姓婦人、兒子及媳婦一同開設嘅應召站，其營運方法跟一般嘅色情應召站一樣透過網絡搵客，然後安排玩家同囡囡喺特定嘅酒店交易，不過佢哋抽佣嘅百分比好高，例如全套服務收費為4,500元新台幣（約1,125港元），但囡囡只係取得約2,003元新台幣（約501港元）。點解佢哋會抽佣咁高呢？據知原來佢哋仲要拆500元新台幣（約125港元）畀扯皮條。有咁多人分帳，囡囡梗係最蝕底嗰個啦。
早前講過由於現時日本經濟環境唔好，為咗幫補家計，因此有唔少曾經從事過風俗業，現已上岸嘅人妻再次下海，亦有部分新進人妻入行，令到主打人妻嘅風俗店愈嚟愈多之餘，更吸引唔少玩家捧場。呢類人妻風俗店為咗喺競爭環境中生存，多以平價作招徠。大家都知咁樣落去最終只會頂爛市，因此有風俗店決定另僻蹊徑，以高質人妻吸引具高消費能力嘅玩家幫襯，而呢間位於新宿嘅風俗店「麗人妻」就係其中之一。先講吓佢嘅收費有幾貴，最低消費嘅80分鐘套餐為18,000日圓（約1,422港元），加埋各種雜費起碼要成1,800港元。但係一分錢一分貨，店內嘅風俗孃不但經過精挑細選，仲有職前培訓，加上有各種分類，例如敏感人妻、濃味人妻、極上人妻、SSS級人妻等，以唔同嘅級別將佢哋再細分，等玩家能夠更易搵到心水選擇。
撰文：魂