以前總以為模特兒係唔使點工作，行行企企就可以搵到錢。不過，現實中嘅模特兒並非如所想般輕鬆，工作忙碌起嚟原來同一般嘅打工仔一樣，要捱足十幾二十個鐘頭，甚至連食飯嘅時間都冇。邊個模特兒咁陰功？咪就係張譯丹囉！
今年25歲嚟自山東煙台，英文名Alice嘅張譯丹，可能因為天生受到獅子座嘅影響，因此好享受成為大家嘅焦點。不過享受還享受，如果阿妹冇優秀嘅條件，又點可以成為大家嘅焦點呢？只要大家睇過佢嘅寫真，就會明白到佢擁有足以令男士心跳加速嘅天賦本錢，巨乳加豐臀，配合標致嘅五官，絕對係一位性感尤物，加埋從內而外散發出嚟嘅女人味及高貴氣質，真係引死人，難怪成功喺模特兒界佔一席位。
事實上，從事模特兒多年嘅佢，早已涉足多個工作領域，除咗拍攝寫真外，仲經常喺各類型嘅雜誌上亮相，又為各種商品拍攝廣告，包括婚紗、時裝、美容產品等，並且化身成車模喺各個大型車展上登場。此外，佢又以嘉賓身份演出電視節目，絕對係一位多才多藝，又善於展現迷人一面嘅性感模特兒。
好多人都以為模特兒嘅工作好輕鬆，咁諗就錯喇！事實上阿妹嘅工作忙得交關，自今年2月開始，佢就忙於拍攝寫真，遠赴馬爾代夫取景，同時又要拍攝廣告、參演微電影、舞台劇綵排及演出等，排山倒海嘅工作，令阿妹忙個不停，若非有堅毅嘅性格，真係好難捱落去。佢曾喺微博上解釋點解要活得咁辛苦：「你不努力，沒人替你成長。很多東西都掌握在自己手中。譬如堅強，你不堅強，誰會憐憫你的脆弱。譬如努力，你不努力誰會陪你原地停留……」佢深信只要不斷努力總會成功。之不過，做女人係咪應該將事業放第二位，搵個人陪伴會更好呢？對於男朋友，佢認為最重要有愛嘅感覺，佢話：「所謂一見鍾情，不過是見色起意，所謂的日久生情，不過是權衡利弊。」雖然佢對愛情有自己一套睇法，但其實佢最重視始終係一顆真心。
簡介：第一眼見到張譯丹嘅寫真時，會被佢嘅艷光所迷倒，玲瓏浮凸嘅身材更係叫人難忘。不過睇完佢嘅自白後，卻會發現呢位性感模特兒內裏有一顆直率得嚟又渴望被愛嘅真心，尤其係對真愛嘅追求，更令人有種愈見愈愛嘅感覺。如果想了解阿妹多啲，就成為佢嘅微博粉絲。
網址：http://www.weibo.com/u/5602215993?is_hot=1
出生地：山東煙台
身高：166cm
三圍：35、24、36
撰文：魂