近年好多日本AV女優進軍樂壇，喺舞台上又唱又跳，當中最人強馬壯嘅組合一定係惠比壽★麝香葡萄，早前佢哋進行全國巡迴演唱，最近就返到東京為巡迴閉幕，當日嘅演唱會有幾精彩？即刻同大家一齊睇睇啦！
日本樂壇近期興起陣容龐大、成員眾多嘅美少女團體，相信大家就算對當地樂壇唔認識，應該都聽過AKB48以及乃木板46啦，而以前嘅早安少女組亦同樣擁有眾多成員。佢哋嘅共通點除咗成員全部都係妹妹仔，仲會定期進行選拔賽，淘汰表現唔好嘅成員，再加入有潛質嘅新成員去替代舊人位置，雖然咁做可以保持組合嘅水準，但係成員換來換去真係搞到唔知邊個打邊個囉。然而，惠比壽★麝香葡萄就唔同喇！自上年重新成立，由5,000名合資格美女當中挑選出29名成員，之後呢班成員鮮有換人。成員當中多數都係人氣AV女優，其餘就係水着妹同模特兒。麝香葡萄人氣高企，喺6月時進行名為「全國亂跑旅行2016」嘅巡迴演唱，早前就去到最後一站，返到起點東京涉谷區嘅知名場地LIQUIDROOM表演，吸引到上千名粉絲到場支持，可見有好多葡萄迷！
當晚，隊中29位成員齊集於場館獻上勁歌熱舞，表演歌曲包括首本名曲《Sexy Beach Honeymoon》、《再見親愛的》等。成員個個都狀態大勇，先換上團隊招牌短裙表演，露出勾魂攝魄嘅美腿，即使冇露出乳溝亦一樣殺死人。嘩嘩嘩！佢哋一邊舞動迷人胴體，短裙就不住晃動，台下粉絲應該可以睇到佢哋嘅裙底春光而暗暗自喜！不過，麝香葡萄班成員一向都唔介意露底，繼續跳跳跳！除咗有29人全體演出，亦以小組及個人形式表演，例如有大食小淫娃桃乃木香奈、小島麻奈美以及天使萌嚟個美少女三重奏。而出晒名擅長搞笑而唔怕醜唔怕瘀嘅夏目花實見到搞笑男藝人松雪崇上台表演，居然衝上台向佢示愛，仲話好想同佢結成搞笑夫妻檔添！之不過，事情嚟得太突然，搞到松雪崇好尷尬！而喺湊莉久同田森美咲落足嘴頭之後，松雪崇終接受花實嘅愛意！但到底係假戲真做，定係真戲假做就得佢哋至知喇。
夏目花實同松雪崇嘅示愛大家都係當搞笑演出咁睇，笑完之後，仲有才藝表演，當中最令人意想不到嘅一定係G奶愛美神神咲詩織表演彈鋼琴喇！眾所周知，詩織胸夾工夫了得，吹奏工夫亦屬神級，但係點都估唔到佢原來仲擁有一手超凡鋼琴技巧，真係令人聽出耳油，亦不得不讚嘆日本AV女優當中有咁多臥虎藏龍！
除咗表演之外，仲有一個小型頒獎禮，小島麻奈美得到「技能獎」，田森美咲同三田羽衣則得到「勇敢獎」，最有價值成員「MVP獎」就由加入麝香葡萄以來一直都咁搶鏡嘅川上奈奈美奪得。雖然獎項唔係出自大型選舉，但係眾人領獎時都相當激動，麻奈美更加喊咗出嚟，真係我見猶憐呀！
撰文：賢