大家知唔知男人最厲害嘅力量係乜嘢？唔係原力，亦唔係洪荒之力，而係每個男人都有嘅雄方之力！為咗展現呢種繁衍人類最大嘅力量，無時無刻都要努力搵錢、做嘢同溝女。至於喺情慾字海中，有邊啲詞語同「力」及「Power」有關呢？
「Power Exchange」解作功率交換，不過喺情慾俚語中，佢係愉虐玩意嘅術語，即係施虐者與被虐者雙方角色交換咁解。另外，喺愉虐界中，施虐者稱為「Top」，被虐者則稱為「Bottom」，因此有「Power Top」同「Power Bottom」兩個暱稱，而呢兩個稱號亦廣泛用喺愉虐界中。
唔少人都鍾意睇70至80年代嘅歐美色情電影，皆因當時嘅作品着重故事性，因此呢段時期被稱為歐美色情電影嘅「黃金時代」（Golden Age of Porn），而喺1985年推出嘅《Tower Of Power》就係其中一部獲得極佳好評嘅四仔。由著名導演兼攝影師Gary Graver執導，搵嚟超人氣艷星Annette Haven坐鎮，加上眾多性感索女一同演出，故事發生喺一間充滿慾望嘅大屋內，只有掌握權力嘅人先至有自由交鋒嘅權利。不過喺權力之下，每個房間內有各種情慾關係正蠢蠢欲動。而呢部作品喺2010年嘅AVN頒獎禮中獲得最佳經典作品嘅提名。
「Pumping For Power」解做泵水之力？梗係唔係啦！其實係指男士自娛咁解，理由好簡單，自娛時隻手動作就好似泵緊水。講開自娛，究竟係用左手定右手呢？可能有人會話用慣邊隻手咪用邊隻手囉！不過古羅馬人就話畀大家知，佢哋習慣用左手。喺公元79年8月24日被火山爆發噴出嘅岩漿所摧毀嘅龐貝古城牆身上發現一段文字，上面寫住（原文當然係拉丁文啦）：「當我身體積壓擔憂，我會用我隻左手釋放被壓抑嘅液體。」說明當時嘅男人慣用左手嚟幫自己解決。
喺日本AV界中，邊個女優最能體現出癡女嘅本質？答案係立花里子。呢位喺1984年11月10日於東京出生，並喺2004年出道嘅女優，雖然個樣唔算標青，身材亦非巨乳級數，但係憑住一對修長美腿及勾起男人邪念嘅姣爆癡態，而備受注目，繼處女作《性感Body》大賣後，另一套作品《DOUBLE》被視為癡女經典。為咗榨乾男優嘅精華，立花里子苦練腹肌及騎功，展現出強力策騎術，因而獲得「最強癡女」嘅稱號，更於2007年喺成人廣播賞獲得最佳女優大獎。而立花里子坦言有過人嘅慾望，因此每次演出都樂在其中，反而批評有啲女優演出太唔認真。喺2008年3月里子推出引退作後，從此離開AV界。
撰文：魂