出軌無分男女，一個外國網站列出不同年齡層嘅出軌比率，當中以39歲比率最高。男人去海灘除咗游水，當然唔少得（目及）女啦，咁究竟男人最鍾意欣賞女仔身體邊一個部位？雖然好多女仔都口是心非，但男士們千祈咪誤會女方嘅說話帶有性暗示，否則瘀到痹！
內地男星踢爆太太同經理人出軌，可謂男人最痛！而外國約會網站IllicitEncounters.com早前進行調查，希望了解一下不同年齡嘅男女出軌比率有幾高，另一方面，由於網站察覺到，年齡29、39、49及59歲嘅人士特別容易出軌，所以針對呢四個年齡嘅男女進行調查，並訪問咗約1,000位成年及已婚男女，結果發現年屆39歲嘅受訪者出軌比率最高，為百分之三十三，其次係49歲及29歲。至於佢哋點解要出軌呢？有74%受訪者話因為同伴侶一齊咁多年覺得悶，要尋求新鮮刺激，另外有54%表示有女人主動送上門冇理由拒絕，食得唔好嘥喎！
小弟除咗鍾意睇日本AV，仲鍾意睇日本水着寫真，睇見一班青春活潑又充滿健康氣息嘅美人兒換上比堅尼搔首弄姿，成個人都精神爽利！其實諗諗吓，小弟認真要搵一日抽空去海灘，欣賞一下水着美女先得！唔知大家欣賞水着美女嘅時候，會特別留意佢哋身上邊一個部位呢？日本就有個調查，特別去到東京夏日樂園訪問咗500名成年男士以了解相關問題喇。調查結果顯示，第三位係臀部，至於男人咁鍾意睇波，欣賞胸部又排第幾呢？答案只係排第二位，有40%受訪男士話會睇水着美女個胸。咁最多男士留意嘅部位係邊度呢？原來係美女身上件泳衣，有44%受訪男士表示時尚又鮮艷嘅泳衣更加吸引到佢哋嘅目光！唔知大家又有冇同感呢？
口是心非可謂女仔嘅專利，呢頭食完飯話要做運動減肥，嗰頭又話要食甜品，難怪霍金都話女人係宇宙嘅最大謎團！正因為女仔口是心非，男士們就懶叻咁成日以為女仔所講嘅說話就係反話，話唔要即係想要，甚至誤會說話中帶有性暗示。日本官能小說家小川沙耶早前就撰文，分析一下男士認為女仔所謂嘅性暗示，實際上係咩意思，例如男士同女仔飲酒時，如果女仔講話：「我好似飲醉喇。」男方就以為女方因酒精而慾火上升需要解決，咁諗就錯晒！女仔話自己飲醉咗，實際上嘅意思係：「我好攰，想休息喇！」女方只係講出自己嘅狀態，未必有其他意思。另外，如果女仔話：「我好寂寞呀！」男仔聽到會以為女方撩上床，小川沙耶就話咁樣理解絕對係錯，女仔一向將性同愛分得開，心靈苦悶唔代表要男人用肉體嚟慰藉，女仔可能只係想對方做個聆聽者咁大把咋！
撰文：賢