工欲善其事，必先利其器，要做好自己份工，梗係要花心機同時間提升技能以及保養好自己副架生啦！而做日本寫真女郎主要係靠美色搵食，就更加需要好好保養，而F奶妹野田彩加初出道嘅時候因為冇Keep Fit，身材愈變愈差而令人氣下滑。彩加後來發憤圖強，每日去健身室操Fit自己，平時亦有打高爾夫球，家陣身材不知幾咁弗，更加被寫真界稱為健身達人。現時彩加真係索到啪啪聲，身材健美得嚟對F奶脹卜卜夠晒睇頭，而且面上充滿精靈氣質，成個人都散發出動人神采。近期，彩加狀態十足，密密開攝影會搵食，嚟緊8月27日大家又可以同阿妹影相喇！當日分為6節，每節招呼8名龍友影足1小時，每位收費8,000日圓，約610蚊港紙，小弟認為價錢絕對合理，甚至可以話抵玩添，話晒彩加人氣唔低，而且一副F Cup身材Keep得咁Fit，唔影真係走寶！