想Keep Fit，但係又唔想做運動，咁可以點呢？其實做床上運動一樣可以消耗卡路里，唔同招式仲可以幫助鍛煉身體唔同部分添。男追女隔重山，女追男隔層紗，但係女仔心癢癢想上床，又未必好意思開口，咁佢哋會點樣喺行為上向男方作出性暗示呢？
近期睇到好多運動消息，亦睇咗唔少比賽直播，相信大家都會同小弟一樣，心思思想做運動，令身心健康。之不過，想還想，工作咁忙返到屋企只係想上床瞓覺，而放假亦只會攤喺張床休息。如果大家始終都離唔開張床，但係又想做運動，咁不如做床上運動啦！醫療資訊網站Dr Felix早前推出咗一個床上運動計算器，因應男女嘅體重以及不同床上招數嚟計算做愛時消耗咗幾多卡路里，最近更推出Olympic版本，畀大家了解一下不同床上招式同做邊一項運動所消耗嘅卡路里相若，以及鍛煉到身體邊個部分嘅肌肉，例如以正常位交合2.5分鐘，運動量就等於跑咗100米，同時可鍛煉到大腿、小腿以及腰部嘅肌肉，而玩騎乘位3分鐘就等於100米跨欄等，大家想了解多啲，Click上網睇睇喇。
網址：https://www.drfelix.co.uk/wp-content/uploads/2016/07/15_BEDROOM-OLYMPIC-GAMES.pdf
最近遇上一位令小弟日思夜想，甚至小便嗰陣都會諗起嘅氣質女神，難得可以約到佢出嚟食飯，梗係心花怒放啦！為咗隆重其事呢次咁重要嘅約會，小弟向好多師兄請教，其中一位師兄就表示，對方肯出嚟食飯，反映出佢對小弟我都有少少興趣，仲話女神正處於感情空白時間，分分鐘有機會當晚「得手」，至於點樣作性暗示，師兄就叫我自己執生。而小弟搵到一個日本相關調查，希望同大家分享一下，幫助大家一齊「得手」。該網站就女仔性暗示呢個問題訪問咗377位成年女性，問佢哋想要嘅時候會點做，結果第一位約有32.6%會主動向男方獻吻，咁做好正常，因為關係親密至會錫錫；第二位有30.2%女仔表示會主動擁抱對方，至於第三位，可能大家未必會察覺到，有27.1%女仔話會觸摸男仔嘅手臂，雖然呢個動作看似平常，但係有受訪女仔表示通常做愛嘅時候，男方努力用下體「活動」，而女仔就鍾意一邊享受快感一邊捉實男方嘅手臂，所以一想到上床，自然做咗呢個動作出嚟。
撰文：賢