天氣炎熱令人熱情如火，但日本一個調查發現，女仔喺夏天抗拒發生一夜情。男士想增強性能力，會食補品、飲補酒，原來一種生果有助性之效。如果喺床上聞到臭味的話，會令人性趣盡失，男士們要注重一下呢方面喇，以免令女伴冇心情做愛。
夏天為大地帶來雨水，亦有人話夏天為大家帶來大量美腿，計我話天氣咁熱除咗令班美女鍾意着短裙仔出街，更加會換上小背心上陣，為大家帶來乳溝添呀！夏天咁熱，心情亦因此而受影響，至於會唔會影響埋大家嘅性開放態度呢？日本就進行過相關調查，喺街頭訪問咗100位年齡介乎20至30多歲嘅女性，問到佢哋有冇試過喺夏天發生一夜情，結果發現只有一成女仔試過。調查又再問佢哋喺夏天發生過一夜情會唔會覺得唔適合，而答會嘅女仔有4成。調查負責人表示，呢個調查結果可以反映出夏天雖然係予人奔放同精彩嘅印象，但係實際上女士們可能因為天氣熱而容易感到煩躁，亦怕男士身上嘅汗味，因此性趣大減，各位男士記住喇！
有云女人唔補好易老，其實補身無分男女，男人一樣都要識得補身，如果唔係好容易衰老，更會出現性機能問題，而性機能衰退係男人最擔心嘅問題！咁點樣補身至好呢？使唔使食乜鞭物鞭呢？早前英國網媒搵嚟泌尿科專家Vijay Sangar博士，為大家講解一下點樣強壯性機能，佢表示少食紅肉，宜一日食5次生果蔬菜，咁食咩蔬果最好呢？博士就話含有豐富類黃酮嘅蔬果有助性功效，例如藍莓同提子。早前英國東昂格利亞大學進行過研究，發現男士從食物當中攝取到高分量嘅類黃酮，患上勃起功能障礙嘅機會會減少十個百分點。另外，博士叫大家每星期至少做3至5次運動，每次至少30分鐘，唔做運動鍛煉心肺功能，血管唔得暢通又點將血液輸送到下面呢！係咪？
人類嘅嗅覺雖然冇狗咁靈敏，但係卻同記憶有相當重要關係，而且嗅覺仲影響到味覺，大家不妨試吓掐住個鼻然後進食，會發現感覺唔到食物嘅味道。另一方面，相信好多男人都知道出去滾完之後，一身沖涼嘅梘液味，或被囡囡嘅香水所沾染，返屋企之前一定想辦法清除妥當，而日後每次聞到呢種味道又會生起去滾嘅念頭。嗅覺能夠勾起食欲同性慾，當然亦會搞到冇晒性趣，因為聞到臭味囉！日本有調查了解女仔聞到邊一種臭味會立即失去性趣，結果發現腳臭排第三位，咁又係，我相信上床嘅時候冇女仔會特別去聞男人隻腳，除非男方雙腳真係臭過鹹魚啦。排第二位係汗臭，男人出汗太多，唔沖涼清洗，一身酸餿味都幾難頂，但係都唔夠排第一位嘅口臭咁令女仔討厭！老實講，女仔好多時都希望同男方深情對望繼而接吻，點知男方有口臭，真係聞到都想嘔！
撰文：賢