有人話日本成人遊戲商BaseSon食住「戀姬」系列已經唔怕搵唔到錢，其實咁講未免有啲偏頗，事關呢個系列唔單止有遊戲性，當中嘅女角色更加吸引。自2007年推出系列首部作《戀姬無雙》，到2013年嘅《戰國戀姬 乙女絢爛☆戰國繪卷》，再隔咗3年終於有新作推出，就係呢隻《戰國戀姬X 乙女絢爛☆戰國繪卷》。
新作以日本戰國時期為故事背景，鹽花場面嘅數量同鹹度比前作大幅提升。另外，遊戲加入咗新勢力「北条家」，又加入新嘅美少女角色，好似外剛內柔嘅「北条朧綱成」、呆萌得嚟又勤力嘅「北槃十六夜氏政」、風魔忍軍嘅話事人「風魔姬野小太郎」，另有萌系蘿莉「宇佐美紗綾定滿」、爆乳索女「小島貞子貞興」等。女角色個個要樣有樣，要身材有身材，加上令人睇到流晒口水嘅情慾場面，配合華麗嘅戰國舞台，令遊戲可觀性大大提升。至於遊戲玩法同前作一樣，玩家唔使擔心要花時間上手。
開發商：BaseSon
售價：￥9,800（約HK$742.3）
撰文：魂