有人話要衡量一位成漫家是否成功，只要從佢推出嘅單本數量便可得知，數量愈多即係人氣愈高。不過呢種睇法未免太過片面，事關唔少漫畫家嘅作品數量並唔多，卻人氣極高。成人漫畫界嘅Taropun就係位咁嘅人物，今次為大家帶嚟佢首本單行本作品《妄想BEAM》。
出生於日本東京嘅成人漫畫家Taropun，喺2000年開始活躍於同人界，佢最大特色係善於繪畫美少女。初時佢創作嘅題材相當多，從少年漫畫、青年漫畫到成人題材都有，只係佢嘅作品都有一個特色，就係筆下女角多屬萌系美少女，身材仲相當火辣。其成人作品中不難發現「巨乳提子」，描繪得既真實又嬌嫩，獲得極大好評。隨住佢嘅成人作品備受注視，2009年開始喺成人漫畫月刊《COMIC阿吽》發表作品，至今不但一直以呢本月刊作為發表作品嘅基地，更開始佢嘅成人漫畫家生涯。
出道後唔夠一年，喺2010年迎嚟成人漫畫單行本作品《妄想BEAM》。憑着筆下巨乳美少女，同埋搞笑得嚟又甜蜜嘅戀愛故事，令其人氣直線飆升。不過講到真正令佢爆紅，卻係翌年推出嘅單行本《猥褻MISSILE》，呢本漫畫展現出作者成熟嘅畫工，以及出色嘅講鹹古技巧，尤其係當中收錄嘅單元故事《Milk Party!》，乳牛女主角牛子更係佢筆下嘅經典角色。2013年推出嘅單行本《欲情BAZOOKA》同樣大受好評，呢兩本單行本更分別被日本人氣成人動畫廠商Pink Pineapple同Queen Bee睇中，先後被OVA化。除咗活躍於成漫界外，佢仲經常以插畫師身份，為輕小說繪畫巨乳女角插圖。
點解要介紹呢本未被OVA化嘅處女作《妄想BEAM》呢？除咗因為係Taropun嘅處女單行本，更因為呢本漫畫奠定佢喺成漫界嘅地位。書中收錄自2009年10月至2010年1月間，喺《COMIC阿吽》發表過嘅9個單元故事，分別有《Doctor Play》、《遺失物》、《必殺！清掃人》、《犯行完了》、《Wish》、《Fortuneless》、《讓我們一起玩》、《美咲的SENSE》及《街》。以輕鬆幽默手法描寫情慾故事，最有趣嘅莫過於《必殺！清掃人》同《Fortuneless》。
《必殺！清掃人》嘅女主角奈奈緒，係位專業家政女僕，喺佢高超嘅打掃技巧下，任何污糟嘅地方都會變得乾淨。呢日佢受到客人委託，嚟到一位25歲尼特族單身男屋企打掃。點知佢一入屋，發現全屋堆滿垃圾，屋主尼特男蓬頭垢面得嚟更有一身臭味。雖然尼特男極度反對奈奈緒打掃，但喺對方武力壓制下，尼特男只好乖乖配合。結果喺短時間內，不但將所有垃圾清除，更將霉菌厚到好似鋪咗層地氈嘅地板還原。正當奈奈緒以為大功告成時，發現原來成間屋最污糟嘅就係尼特男，於是佢捉咗對方入浴室沖涼！喺奈奈緒玉手嘅洗刷下，尼特男不但興奮無比，一股邪念更被慢慢燃起。
《Fortuneless》嘅男主角係位超市打工仔，冇錢又冇女朋友嘅佢，生活最大樂趣係放工後喺屋企打機。呢日放工後，佢經過一間殘舊無比嘅占卜館，好奇心驅使下諗住占卜改運。點知佢一坐低，巨乳女占卜師突然狂吼，然後塞咗一張寫上占卜結果嘅紙畀佢。男主角打開張紙一睇，發現紙上寫咗「今天結束前，還是處男的話，就死吧」語句，呢個時候距離子夜唔夠25分鐘！佢質問占卜師係咪吹水，占卜師稱有靈體附身能力，因此所寫嘅預言絕對會成真。既驚且慌嘅男主角要求占卜師幫佢完成人生第一次，結果喺半推半就之下，占卜師就咁同男主角激戰起嚟。究竟男主角嘅厄運能否被改寫呢？
漫畫名稱：《妄想BEAM》
作者：Taropun
出版：HIT出版社
頁數：202頁
撰文：魂